{jcomments on}Қазіргі экономикалық ахуалды ескерген Елбасы «Нұрлы жол» бағдарламасын дағдарысқа қарсы жаңа шаралармен толықтыру арқылы қолдау шараларының аясын кеңейткен жөн екендігін атап өтті.
Мемлекет басшысы әлемдік экономикадағы жаңа жағдайларды ескере келгенде, негізгі бағыт ауыл шаруашылығы өнімдерін және азық-түлік өнеркәсібін дамыту болып саналатынын атап өтті.
– Біз дағдарысты заманауи инфрақұрылым қалыптастыруға, миллиардтаған активтерді енгізуге пайдаланамыз. Мемлекет барлық қажетті қолдау тетіктерін ұсынып отыр. Қаражат бөлінді, жағдай жасалды. Бәрінің дереу жұмысқа кірісуі қажет. Үкіметтің әрбір мүшесінен, әкімдерден нақты нәтижелер талап етіледі, – деді Президент өз сөзінде.
Осылайша, Елбасы Үкіметтің кеңейтілген отырысында барлық сала басшыларына, барлық деңгейдегі әкімдерге және әрбір қазақстандыққа жүйелі тапсырмалар жүктеп, қалтқысыз еңбек етуге, еліміздің гүлдеуіне бір адамдай сүбелі үлес қосуға шақырды.
Бауыржан ТӨЛЕКОВ,
Абай атындағы қазақ музыкалы-драма
театрының директоры.
