{jcomments on}Қазақстан халқы Ассамблеясы ұсынған Қазақстан Республикасы Президентінің мерзімінен бұрын сайлауын өткізу туралы бастаманы толық қолдаймын. Қазақстан халқы Ассамблеясы осы маңызды мәселе бойынша ұстанымын білдіруді өзінің азаматтық борышы деп санағандықтан, ел тағдырына байланысты маңызды шешім қабылдар тұс осы кезең деп ойлаймын. Әлемдік экономикалық дағдарыс пен күрделі халық-аралық жағдай орын алып отырған тұста, сайлау өткізу туралы жалпыхалықтық бастаманың көтерілуі уақыт талабы болып табылады. Жаһандық сын-қатерлер кезеңінде еліміздің Президенті Нұрсұлтан Назарбаевқа Қазақстанды дағдарыстан алып шығуына мүмкіндік беретін жаңа сенім мандаты берілуі қажет. Президенттік сайлау өткізу еліміз бен халқымыздың мүддесі үшін өте маңызды, өте жауапты шешім болып табылады. Бұл қадам Қазақстанның келешегі мен гүлденуі, басты мақсаттарына жетуі жолында қазақстандықтардың жігер-қуатын біріктіру болып табылады. Бүгін бірлік, келісім және тұрақтылықты бұрынғыдан да бетер біріктіріп, мемлекеттің қайратын ұштап, қоғам мен елдегі барлық азаматтарды Елбасымыз Нұрсұлтан Әбішұлы Назарбаевтың маңына топтастыру аса маңызды. Бұл – «Қазақстан – 2050» және «Мәңгілік Ел» стратегияларын бұрынғыдан да қуатты етіп қана қоймай, оларды бірлесіп жүзеге асырудың тарихи мүмкіндігі, бұл сайлау мемлекеттік аппараттың, заң шығарушы органдардың, билік өкілдерінің, халықтың барлық күш-жігерін жұмылдыру арқылы жаһандану заманы алға тартқан кедергілерге тосқауыл қоюға сеп болуы керек.
Р. КУСАИНОВ,
Шығыс Қазақстан облысының № 2 кәмелетке толмағандардың
істері жөніндегі мамандандырылған
ауданаралық сотының төрағасы, Семей қаласы.
