Қазақстан халқы Ассамблеясының Президент сайлауын үстіміздегі жылы өткізу жөніндегі бастамасы ауыл тұрғындарының арасынан үлкен қолдау тауып отыр. Себебі Қазақстан зайырлы мемлекет ретінде тұрғындардың кең тыныстап, демократиялық үрдістерді кеңінен пайдалануына мүмкіндік жасап отыр. Кімнің не істейін десе де, еркіндігі бар.
{jcomments on}Бүгінде мемлекет ауылшаруашылығы саласында еңбек етіп, мал өнімдерінің молшылығын жасаймын деген адамдарға барынша қолдау көрсетуде.
Қазақ елінің алдында үлкен де ауқымды жауапты міндеттер тұр. Атап айтқанда, алдымыздағы ондаған жылдарды, сонымен бірге барлық саланы қамтитын және үздіксіз өсуді қамтамасыз ететін жаңғыру жолын тұжырымды етіп көрсетіп берген «Қазақстан – 2050» Стратегиясын жүзеге асыру міндеті қойылып отыр.
«Нұрлы жол – болашаққа бастар жол» Жолдауы бүгінгі күннің атқаруға тиісті істерін айқын белгілеп, оны іске асыру жұмыстары басталып та кетті.
Қазақстанның тұтастығын сақтай отырып, Елбасымыз Нұрсұлтан Назар-баевтың мемлекетті дамытуға ұлан-ғайыр өлшеусіз еңбек сіңіріп келе жат-қаны баршаға аян. Бұл туралы айтпай кетуге де болмайды деп ойлаймын. Президент Қазақ елінің ғасырға жетер жолын айқындап, Мәңгілік Ел болу жолында мақсат құрып, сол бағыт бойынша жүйелі жұмыстар жүргізуде.
Елдің нақты, орнықты, қарқынды дамуына өлшеусіз үлес қосып отырған Елбасының кез келген бастамасын біз ел — жұрт болып әрқашан қолдауға тиістіміз.
Бейбітшілік пен келісімнің мекені болған Қазақстан үшін қоғамның баянды орнықтылығы аса қажет. Сондықтан да елдегі кезектен тыс Президент сай-лауын өткізу өте орынды деп есептейміз.
Сәрсенбі күні Елбасы кезектен тыс Президент сайлауын өткізу жөніндегі Қазақстан халқы Ассамблеясының ұсынысына қатысты өзінің Үндеуін жолдады.
«Өткен 23 жыл – біз үшін ғасырға бергісіз жылдар. Кезең-кезеңімен жүргізілген тұрақты саясаттың арқасында біз бүгінгі белеске көтерілдік. Қазақ қазақ бол-ғалы қазіргідей төрт құбыласы түгел, қуатты елге айналып көрген емес. Біз бүгін қариясы қамсыз, азаматы алаңсыз, ұрпағы уайымсыз елдердің қатарына ұмтылдық. Біз үшін көк аспанымыз ашық, көк байрағымыз асқақ болғаннан артық мәртебе жоқ»,- деді Мемлекет басшысы өз сөзінде.
Сөз жоқ, бұл ел өміріндегі маңызы зор, елеулі оқиғаның ойдағыдай жүзеге асуына сеніміміз мол.
Әмірғазы АҚМЕРҰЛЫ,
Үржар ауданы.
