Жуырда Қазақстан халқы Ассамблеясы елімізде мерзімінен бұрын Президент сайлауын өткізуге бастама көтерген болатын. Бұл мәселе күллі қазақстандықтарды {jcomments on}толғандырмай қоймады. Парламент депутаттары мен саяси партиялар, қоғамдық ұйымдар, еңбек ұжымдары, ардагерлер, студенттер, жасы және кәсібі әртүрлі адамдар бастаманы бірауыздан қолдап, үн қатты. Әрине, бұл ішкі кикілжіңдер мен сыртқы жанжалдар біздің елімізге кесірін тигізбесін деген бүкілхалықтық алаңдаушылықтан, тұрақтылық пен қоғамымыздың бірлігін нығайту қажеттігінен, екіншіден, әлемдік экономикалық дағдарыс белең ала түскен кезеңде халыққа ертеңгі күніне деген сенімділік тудыру мақсатынан және жаһандық геосаяси жағдайларға байланысты туған бастама болатын. Қашан да халықтың мүддесін жоғары қоятын Мемлекет басшысы қазақстандықтардың бұл бастамасына оң көзқарас білдіріп, «Қазақстан Республикасы Президентінің кезектен тыс сайлауын тағайындау туралы» Жарлыққа қол қойды. Мемлекет басшысын сайлай отырып, еліміздің дамудың даңғыл жолына бет алатындығына, халқымыз жаңа жұмыс орындарымен қамтамасыз етіліп, әлеуметтік төлемдердің, жалақының, стипендиялардың тұрақтылығы сақталатындығына сеніміміз зор. Сонымен бірге жаһандық геосаяси қарама-қайшылықтар ушыға түскен жағдайда, біздің азаматтарымызды алаңдатқан ұлттық қауіпсіздікті қамтамасыз ету мәселесі оң нәтиже беріп, ішкі және сыртқы саясаттың әрі қарай жалғастырылатындығына сенімдіміз. «Қазақстан үшін сайлау қашан да қоғамдағы бірлік пен келісімнің жоғары тетігі» болмақ. Ең бастысы, кезектен тыс сайлау Ата Заңымызда белгіленген тәртіптер мен ережелерге қайшы келмейді. Сондықтан кемел келешегіміз үшін ашық және әділ сайлау өткізуге атсалысайық дегім келеді.
Жанболат САМАШЕВ,
Семей қаласы әділет басқармасы
басшысының орынбасары.
