Кезектен тыс Президент сайлауын өткізу бастамасын Семей қаласындағы физика-математикалық бағытындағы Назарбаев Зияткерлік мектебінің ұжымы бірауыздан қолдайды. Семейдегі іргелі білім ордасы тәуелсіздігімізді алған жылдардан кейінгі кезеңде білім жүйесінде болған елеулі серпілісті жоғары бағалайды.
{jcomments on}Кез келген елдің болашағы білім беру жүйесінің және зиялылар қауымының деңгейіне байланысты болатыны анық. Сондықтан білім беру жүйесін тиімді құра білген ұлттың еңсесі биік, абыройы жоғары. Сонымен қатар бүгінгі жаңа заман дәуірі келешек ұрпақтың бәсекеге қабілетті болғанын талап етеді. Өйткені ұлтты ұшпаққа шығаратын маңызды сала – білім мен ғылым. Бұл тұрғыда Елбасы Н.Назарбаев жастарды қазақстандық патриотизм мен шығармашылық жағынан дамыған жеке тұлға ретінде тәрбиелеу қажеттігін, жас ұрпаққа қазақ, орыс және ағылшын тілдерін бірдей жақсы меңгертіп, осы арқылы бүкіл әлемге танымал, елінің патриоты болатынын ұдайы айтумен келеді. Елбасының осындай алға қойған зор міндеттерін іске асырушылар, әрине, жастар, келешек ұрпақ. Сондықтан да, менің пайымдауымша, білім саласында еңбек етіп келе жатқан әлеумет Елбасы саясатын қолдайды.
Елбасы Нұрсұлтан Назарбаев Қазақстан халқына арналған үндеуінде: «Тәуелсіздік жылдарында қазақстандықтардың бойында бейбітшілік пен келісім – басты жалпыхалықтық игілігіміз деген даналық ұғым мықтап орнықты. Және оны әр күн сайынғы еңбекпен қорғау және нығайту қажет. Бүгінгі біздің қазақстандық мінез бітіміміз осындай! Бірлік пен Тұрақтылық – бұл біздің жауапты таңдауымыз! Бұл біздің Отанымыздың табысты дамуының басты формуласы», — деп атап көрсетті.
Ендеше, жастарға отаншылдық тәрбие беріп, елді-жерді сүюге тәрбиелеуде елеулі жұмыс атқарып келе жатқан қоғам өкілдері елдің саяси өміріне де белсене атсалысқандары абзал. Бұл өз кезегінде барша қазақстандықтарға үлкен жауапкершілік жүктейді.
Бағдан ҚАЙЫРЖАНОВ,
Назарбаев Зияткерлік мектебінің директоры.
