«Қыз өссе – елдің көркі» деген сөзді
Қапысыз қалай айтқан қайран бабам» деген өлең жолдары ойымызға оралған сайын, қазақтың көрікті де сұлу, ақылды да иманды, инабатты да ибалы арулары көз алдымызға оралады. Осындай қасиеттердің барлығын дерлік бойына жиған — Жарма ауылындағы Георгиевка орта мектебінің мұғалімі Мадина Қызжанова.
{jcomments on}Мадина Қызжанова — қиындығы мен қызығы мол ұстаздық қызмет атқарса да, белсенділік танытып, қоғамдық маңызды іс-шаралардан тыс қалмайтын белсенді жас. Ол «Жас Отан» жастар қанатының мүшесі, аудандық Жастар үйі ашылғаннан бергі аралықта аудан көлеміндегі, мекемелер арасындағы әскери-патриоттық, әдеби-мәдени, тарихи-танымдық тақырыптағы іс-шараларды ұйымдастырушылардың бірі ретінде, салауатты өмір салтын қалыптастыру мақсатындағы спорттық сайыстарға белсене қатысушылар қатарынан табылады. Мадина Қызжанова — бүгінгі таңда аудан бойынша мемлекеттік жастар саясатын жүзеге асыруда, Елбасының салиқалы саясатын қолдауда өзін жақсы қырынан танытып жүрген ақылына көркі сай арулардың бірі. Атап айтсақ, жастардың қатысуымен жүзеге асырылатын акциялар, дөңгелек үстелдер, мерекелік іс-шаралар, аудандық және облыстық семинарлар, «Отбасы күні» мерекесі, «9 мамыр – Жеңіс күні», «7 мамыр – Қазақстан Республикасы Отан қорғаушылары күні», мектеп оқушыларының қатысуымен өткізілген «Ерлік сабақтары», отбасылық «Толағай» спорттық сайысы, КТК ойыны, «Күз Аруына» қатысып, жүлделі орынды иеленген және ауданның барлық іс-шараларын ұйымдастыруда кейіпкеріміз бастамашыл топ өкілдерінің қатарынан табылады.
Аудан белсендісі болып, ұрпаққа саналы тәрбие мен сапалы білім беруімен қатар, Мадина Қызжанова — отбасында аяулы жар, ардақты ана. Отбасылық өмірі мен қоғамдық іс-шараларды бір арнада тоғыстырып, жастарды ұлтжандылық рухта тәрбиелеуде, халықтық өнерді насихаттауда өзіндік үлесін қосып жүрген Мадина Қызбаеваны төл мерекесімен құттықтай отырып, деніне саулық, жанұясына бақыт, еңбегіне шығармашылық табыс тілейміз.
Мақсат АМАНГЕЛДІ,
Жарма ауданы.
