Ләззат Тұрсынқызы Семей мемлекеттік педагогикалық институтының тарих факултетінде білім алып, еңбек жолын Шұбартау ауданы Баршатас ауылында ұзтаз болудан бастап, Аягөз қаласы №1 мектепте жалғастырды. Алтын уақытын шәкірт тәрбиелеуге арнаған ұстаз еңбегі еленіп, тәрбие ісінің меңгерушісі, кейіннен аудандық білім бөлімінде әдіскер қызметін атқарды. Кейіпкеріміз нағыз өз білімі мен қабілетін көрсететін ордада аса шебер ұйымдастырушылық қабілетімен көзге түсе білді.
{jcomments on}Еңбегінің жемісін,жетістігін екшеген аудан әкімшілігі Л.Тұрсынқызын 2010 жылы № 6 жалпы білім беретін интернаттың директоры қызметіне тағайындады. Бұл жылдарға дейін мектеп ғимараты өте ескі, күрделі жөндеуден өтпеген еді. Л.Тұрсынқызының үлкенге ізет, кішіге кұрмет жасай жүріп, тіл табысып, демеуші тауып, түскен қаржыны ұқыптылықпен жұмсауының арқасында бүгінгі таңда аудан көлемінде бірінші кезекте ауызға ілігетін ұжымға айналып отыр. Білім сапасы жағынан да алдыңғы қатарлы мектептердің санатына қосты. Жас ұрпақты шығармашылық тұрғыда тәрбиелейтін үйірме жұмыстарын жетілдіруге көңіл бөлуін айтпағанда, 2013-2014 оқу жылында он алты мұғалім Кэмбридж бағдарламасы бойынша өз біліктіліктерін арттырып келуі соның бір дәлелі бола алады. Аудандық, облыстық, республикалық ғылыми-практикалық конференцияларға ұстаздар үзбей атсалысады. Мектеп басшысы ретінде Л.Тұрсынқызы ата-анасыз қалған балаларға қамқорлық көрсетуді үнемі назарында ұстайды.
Елеулі еңбектерімен дараланған жас директор 2012 жылы Аягөз аудандық мәслихат депутаты болып сайланды. Өзі басшылық ететін алтын орда мектебімен қоса, депутат ретінде аудан халқының әлеуметтік жағдайының жақсара түсуіне, ауданның экономикалық өсіп-өнуіне үлес қосу бойынша жауапты міндетті мойнына алды. Ләззат Тұрсынқызы Молдашева кез келген жауапты істе жарқыратып жол сала алатын, қиындықта қолтығыңнан демеп қолдау көрсететін, жоғыңды бардай, барыңды таудай ететін басшы. Елбасымыздың жолдауын іске асырып, еліміздің дамуы үшін білімді де ілімді, қауқары найзағайдай жарқылдап, қара бұлтты қақ жарған жан-жақты дамыған ұрпақ тәбиелеу-бүгінгі уақыт еншісіндегі енжарлықты көтермейтін ең басты қоғамдық міндет екенін, азаматтық міндет екенін түсінеді. Халықтың, ұжымның сенімді өкілі болумен қатар Л.Тұрсынқызы асыл жар, төрт бала тәрбиелеп отырған аяулы ана, адал дос, көреген басшы.
Аягөз аудандық ішкі саясат бөлімі.
