Көкпекті ауданындағы Жеңіс саябағында «AMANAT» партиясының қолдауымен экологиялық бағыттағы «Таза бейсенбі» акциясы өтті. Қоғамда экологиялық мәдениетті арттыру, қоршаған ортаға жанашырлық пен жауапкершілікті қалыптастыруды мақсат еткен іс-шара болды.
Акцияға «AMANAT» партиясының Көкпекті аудандық филиалының белсенділері, аудандық мәслихат депутаттары, бастауыш партия ұйымының мүшелері және жергілікті жастар қатысты. Барлығы 25 қатысушы бірігіп, 0,5 гектар аумақты тұрмыстық қалдықтардан тазалап, тұрғындар үшін таза әрі жайлы демалыс аймағын қалыптастырды. Нәтижесінде 1 тоннаға жуық тұрмыстық қалдық жиналды.
Іс-шара барысында қатысушылар экологиялық жауапкершіліктің маңыздылығын атап өтті. «Таза орта – салауатты қоғамның негізі. Әр азамат өз ауылының көркейуіне үлес қосса, қоршаған ортаның жағдайы жақсара түсері анық», – деді Көкпекті аудандық мәслихатының депутаты Талғат Сарманов.
Акция қорытындысы бойынша қатысушылар осындай тазалық бастамаларын тұрақты түрде жалғастырып, «AMANAT» партиясы алдағы уақытта да экологиялық бағыттағы қоғамдық жұмыстарды кеңейтіп, елді мекендердің тазалығы мен абаттандырылуына ерекше көңіл бөлуді жоспарлап отыр.
