Бапышев Бекжан Мейрамбекұлы 1989 жылы Шығыс Қазақстан облысында туған. 2011 жылы С. Аманжолов атындағы Шығыс Қазақстан университетін «құқықтану» мамандығы бойынша тәмамдады, 2024 жылы Қазақстан Республикасы Президенті жанындағы Мемлекеттік басқару академиясында «мемлекеттік саясат» мамандығы бойынша магистратураны аяқтады. Еңбек жолын Астана қаласының Алматы ауданы әкімдігі аппаратында стажер болып бастаған.
2013–2015 жылдары Астана қаласы Сарыарқа ауданы әкімдігі аппаратының өндірістік-техникалық қамтамасыз ету, тіршілікті қамтамасыз ету және инфрақұрылым бөлімдерінде бас маман қызметін атқарды. 2015–2016 жылдары Алматы ауданы әкімдігі аппаратындағы мүлікті заңдастыру жөніндегі комиссияда еңбек етті. Кейін техник, бас маман және өндірістік-техникалық бөлімнің басшысы лауазымдарын атқарды.
Әр жылдары Астана қаласының Есіл ауданы әкімдігі аппаратында инфрақұрылым бөлімін, сондай-ақ Астана қаласының Алматы ауданы әкімдігі аппаратында абаттандыру және өндірістік-техникалық қамтамасыз ету бөлімін басқарды, Астана қаласының Алматы ауданы әкімінің орынбасары болды.
Тағайындалғанға дейін Семей қаласы әкімінің орынбасары қызметін атқарды.
