Кезектен тыс Президент сайлауын өткізу бастамасын халық мүддесіне сай келетін ең дұрыс шешім деп бағалаймыз. Сондықтан да Қазақстан халқы Ассамблеясының кезектен тыс Президент сайлауын өткізу жөніндегі бастамасын халық болып қолдаймыз. Бұл ұсыныс шешуші кезеңде біздің қоғамның әлеуметтік-экономикалық мәселелерге баса назар аударып, мемлекеттік стратегиялық бағыттарға арналған бағдарламаларды тиімді жүзеге асыруға, жаңа мүмкіндіктерге жол ашады деп сенеміз.
{jcomments on}Осыған байланысты Елбасы Нұрсұлтан Назарбаев та өз Үндеуін жариялап, дер кезінде көтерілген бастамаға пікірін білдірген еді. Ел ішінде қызу талқыланған мәселеге қатысты Н.Назарбаев: «Қайта қаһарына мінген әлемдік дағдарыс жағдайында бірлік бізге бұрынғысынан бетер құнды. Мемлекеттің тыныштығы мен елдің бірлігін сақтап, дамыту Президенті бастап, елі қостаған кезде ғана баянды болмақ. Жауапкершілік бүкіл халыққа да жүктеледі. Осыны ұмытпайық. Алдағы биік белестер мен асқар асулар үшін біз барлық кедергілерді бағындырып, алға басуға тиіспіз», — деп атап көрсетті.
Президент сайлауын өткізу бастамасы — Тәуелсіз елдің болашағы үшін жасалатын маңызды қадам. Осы шешімді бірауыздан қолдауымыз керек. Қазір Қазақстан өрлеу үстінде. Экономикамыз да көтеріліп келе жатыр. Елдің ішіндегі жағдай, қарапайым халықтың тұрмысы — барлығы өркендеуде. Еліміз небәрі жиырма жылдан астам уақыттың ішінде бәсекеге қабілетті ел ретінде танылды. Бұл — жас мемлекетіміз үшін үлкен жеңіс. Еліміз өрлеу бағытындағы бастамаларын тоқтатпақ емес. Бұл тұрғыда еліміздің индустриялық-инновациялық даму, «Нұрлы жол» бағдарламалары қабылданды. Бұл бағдарламалар еліміздің экономикасының өркендеуіне өз септігін тигізеді.
Ендеше, ел ағалары көтеріп жатқан бастаманы қолдап, еліміздің ынтымағы мен бірлігі, тыныштығы үшін алдағы уақытта болатын сайлаудың биыл өткізілуі дұрыс әрі маңызды оқиға деп ойлаймыз.
Асхат АЛАЛЖАНОВ,
Радиотехника және байланыс колледжі
дене тәрбиесі пәнінің мұғалімі.
