Хоккейдің нағыз ерлер ойыны екенін түсінген әрбір көкпектілік жасұлан, аяғына коньки киіп, қолына клюшка ұстайды десек, артық айтпаймыз. Қазір ауданда 3000 адам хоккей секцияларына тартылып, командаларға біріктірлген.
Көкпекті ауданында бүгінгі күні хоккейдің 20 ашық алаңы балалар мен жасөспірімдерге қызмет көрсетуде. Әсіресе бұл спорт түрі Үлгілімалшы, Үлкенбөкен ауылдарында жақсы дамыған. Қазіргі уақытта Көкпекті, Самар ауылдарында қысқы спорт түрлеріне, арнайы хоккейге арналған құрал-жабдықтарға қаражат бөлініп, спорттық киімдер алынды.
{jcomments on}Аудан құрама командасы облыс әкімінің жүлдесіне арналған «Жұлдызша» ойынына қатысып, жүлделі орынға ие болды. Жаттықтырушылар Е.Ақбұзауов, Ә.Тукушевтар өз жұмыстарын жоғарғы деңгейде, хоккей спорты талаптарына сай жүргізуде. Қ.Раев атындағы балалар үйіне белгілі спортшы, әлемге танымал палуан Д.Тұрлыханов хоккей спорттық құрал-жабдықтарын сыйға тапсырды. Қазіргі уақытта балалар үйінің тәрбиеленушілеріне қысқы спорт түрлерімен айналысуға барлық жағдай жасалған.
Аудан арасында өткізілетін хоккей жарысында Биғаш, Теректі, Преображенка, Көкжайық ауылдарында хоккейшілер жақсы ойын көрсетті. Бұл нәтиже сол ауылдарда да ашылған хоккей қорапшаларында ұйымдастырылатын спорттық секциялардың жетістіктері деп білеміз. Қорапшаларының ашылуына орай, спорттың осы түрімен айналысу көбейе бастады.
Қайрат МӘЛҒАЖДАРОВ,
Көкпекті ауданы.
