«Нұр Отан» партиясы Тарбағатай аудандық филиалы жанындағы «Жас Отан» жастар қанатының және Қабанбай ауылдық округі әкімінің аппаратындағы жас мамандардың бірлесе ұйымдастыруымен «Жастар Отанға» жобасы шеңберінде таяуда ауылдағы Мәдениет үйінде «Тәуелсіз елдің жастары» деген тақырыпта «Жайдарман» көңілділер мен тапқырлар (КВН) сайысы болып өтті.
{jcomments on}Білімді де білікті, сайдың тасындай, еңбекте де, өнерде де бәсекеге қабілетті болуды мақсат еткен ауыл жастарының өнер-білім, іскерлік сайысына Қабанбай ауылының әкімі Ержан Сабырбаев бастаған ауыл ағалары қатысып, қатысушы командаларға батасын беріп, сәттілік тіледі. Ойынға қатысқан 8 команда өз шеберліктерін ортаға салып, бақ сынасты. Ойын соңында жеңімпаз атанған командалар арнайы алғыс хаттармен және бағалы сыйлықтармен марапатталды. Сонымен қатар «Жатыпатар» көңілділер мен тапқырлар тобының және «Жалын» жас спортшылар қлубының жетекшілеріне және команда мүшелеріне алғыстар айтылып, марапатталды.
Осы мерекелі мезетте болашағынан үміт күттіретін ауыл жастарының бірнешеуі «Толағай» жастар қоғамдық бірлестігінің және «Жас Отан» жастар қоғамы мүшелерінің қатарын толықтырды. Ауыл жастарының өнеріне, тапқырлығына, заман талабына лайықты азамат болуға деген ұмтылысына риза болған ауыл тұрғындары айтулы кештен көтеріңкі көңілмен тарасты.
К.ДАЛБИНА,
Қабанбай ауылы, Тарбағатай ауданы.
