21 қараша күні облыс әкімдігі ғимаратында ҚР Ұлттық қауіпсіздік комитетінің Антитеррорлық орталығы Штабы ұйымдастырған «Терроризмге осал нысандардың антитеррорлық қорғалу жағдайы және оны арттыру шаралары» тақырыбындағы республикалық семинар-кеңес өтті.
Іс-шара ішкі істер, ағарту және денсаулық сақтау министрліктерінің өкілдерінің қатысуымен бейнеконференция форматыда өтті.
Семинар-кеңес барысында терроризмге осал нысандардың (ТОН) антитеррорлық қорғалу деңгейінің қазіргі жағдайы, мемлекеттік органдар, ТОН нысандары және күзет қызметі субъектілері арасындағы өзара іс-қимылды нығайту мәселелері қарастырылды. Сондай-ақ антитеррорлық комиссиялардың (АТК) жұмысы мен білім беру, денсаулық сақтау және мәдениет нысандарының қорғалу деңгейін арттыру шаралары талқыланды.
Семинар-кеңес жұмысына Абай облысы бойынша ҰҚК департаментінің жауапты қызметкерлері, облыстық антитеррорлық комиссия қызметін қамтамасыз ету бөлімі, сондай-ақ облыстық әкімдіктің салалық басқармаларынан бекітілген мамандар қатысты.
