Semeytany.kz — Семейдегі «Арена» спорт кешенінде футзалдан УЕФА Чемпиондар лигасының 1/8 финалы аясында жергілікті «Семей» клубы Польшаның «Пьяст» командасын қабылдады.
Ойын барысында қос команда да жоғары қарқынмен, тартысты ойын көрсетті. Қарымтаға жол ашқан алғашқы кездесу 3:3 есебімен аяқталып, жанкүйерлерге көрікті матч сыйлады.
Ерекше атап өтер жайт, мұндай деңгейдегі Еуропа бәсекесінің ойыны Қазақстанда алғаш рет ұйымдастырылды. Тартысты кездесуді көру үшін спорт кешеніне 5 мыңға жуық көрермен жиналып, жергілікті ұжымға айрықша қолдау көрсетті.
Кездесуді трибунадан Абай облысының әкімі Берік Уәли де тамашалап, «Семей» клубының ойыншылары мен бапкерлер құрамына сенім білдіріп, оларды маңызды матчта ынталандырды.
«Арена» спорт кешені өңірдегі ірі спорт нысандарының бірі ретінде халықаралық деңгейдегі осындай маңызды матчтарды қабылдауға мүмкіндік беріп отыр. Енді осы кезеңдегі қарымта ойын 5 желтоқсанда Польшада өтеді, онда «Семей» футзалшылары ширек финал жолдамасы үшін бозкілемге қайта шығады.
