«Нұр Отан» партиясының облыстық филиалының ХVII кезектен тыс конференциясында Астана қаласында ағымдағы жылдың 11 наурызында өтетін «Нұр Отан» партиясының XVI Съезіне Шығыс Қазақстаннан баратын делегация құрамы іріктелді.
{jcomments on}Бүгінде ШҚО-да «Нұр Отан» партиясының 321 бастапқы партиялық ұйымдарына біріккен 64 838 мүшесі бар. Барлық бастапқы ұйымдарда Қазақстан Республикасының Президентінің кезектен тыс сайлауын өткізу туралы Қазақстан халқы Ассамблеясының бастамасын қолдау және партияның қалалық және аудандық филиалдарынан делегаттарды таңдау бойынша жиындар болып өткен.
– Бұл жауапты кезеңде әрбір партия мүшесі өз кандидатурасын анықтап, еліміздің болашағы мен тағдырын таңдауда белсенділік танытады деген сенімдемін,– деді ШҚО әкімі – «Нұр Отан» партиясының облыстық филиалының төрағасы Даниал Ахметов.
Облыстық филиалдың барлық мүшелері «Нұр Отан» партиясының XVI Съезіне қатысатын делегаттарға бірауыздан өз дауыстарын берді. Дауыс беру қорытындысы бойынша делегацияға аймақ атынан 100-ге жуық адам бекітілді. Айта кетерлігі, делегация құрамында Елордаға, жоғары қызметтегі шенеуніктермен бірге, қарапайым мұғалімдер мен дәрігерлер, механизаторлар мен жастар өкілдері барады.
«Нұр Отан» партиясының аймақтық филиалының баспасөз қызметі хабарлағандай, Астанада өтетін Съезге Республиканың барлық өңірлерінен 1200 делегат қатыспақ.
ШҚО Ақпаратық орталығы.
