Астанада ауыл әкімдерінің диалог-платформасы өтті. Жиында Мемлекет басшысы Қасым-Жомарт Кемелұлы Тоқаев сөз сөйлеп, ауылды өркендету, ауыл әкімдері институтын одан әрі жетілдіру міндеттерін айқындады.
Маңызды шараға облыс әкімі Берік Уәлимен бірге өңірдің ауыл әкімдері қатысты. Жиында еліміздің өзге аймақтарының ауыл әкімдерімен бірге Көкпекті ауданы Шұғылбай ауылдық округінің әкімі Нұрлан Назарханов сөз сөйледі.
2022 жылы елімізде пилоттық режимде 45 қала және аудан әкімдері сайланған болатын, оның ішінде Абай облысының Курчатов қаласы мен Абай ауданы болды. Биыл Сайлау туралы заңға сәйкес Семей қаласы мен Жаңасемей ауданы әкімдері тікелей дауыс беру арқылы сайланды.
