Semeytany.kz – ҚР Президенті жанындағы Орталық коммуникациялар қызметі жанынан құрылған Жалған ақпаратқа қарсы іс-қимыл орталығы соңғы төрт айда атқарылған жұмыстардың қорытындысын қамтитын жаңа шығарылымын жариялады. Құжатта әдетте көпшілікке көрінбейтін процестер ашылып, еліміздің ақпараттық кеңістігін кешенді қорғау қалай ұйымдастырылатыны көрсетілген.
Орталық құрылған күннен бастап азаматтардың денсаулығына, қауіпсіздікке, сондай-ақ мемлекет қабылдайтын әлеуметтік маңызы бар шешімдерге қатысты таралатын жалған мәліметтерге жедел әрекет ете отырып, тәулік бойы мониторинг жүргізіп келеді. Есепті кезең ішінде ондаған фейк хабарлама талданып, 24 ресми теріске шығару жарияланған. Сонымен қатар 14 тақырыптық шығарылым дайындалып, 17 телеефир ұйымдастырылған.
Жалған ақпаратқа қарсы іс-қимыл орталығының материалдары ұлттық және халықаралық бұқаралық ақпарат құралдарында жүзден астам рет жарияланып, орталық сараптамасына деген сенімнің жоғары екенін көрсетті. Бұл сараптамалық еңбектердің практикалық маңыздылығы да айқындалып отыр.
Жаңа шығарылымның маңызды бөлігі Орталықтың күнделікті жұмыс үдерістеріне арналған. Мемлекеттік органдармен тұрақты өзара іс-қимыл жасалып, ақпараттық тәуекелдер бойынша кеңестер беріледі, коммуникациялық тәсілдер әзірленеді, болжамдық-талдамалық жұмыстар жүргізіледі. Сондай-ақ жекелеген фейктердің неге жария кеңістікке мүлде шығарылмайтыны да түсіндірілген.
Мамандардың айтуынша, фейктерді жоққа шығару – жүйелі жұмыстың бір ғана бөлігі. Негізгі басымдық алдын алу шараларына, ақпаратты сыни қабылдау дағдыларын дамытуға және қоғамның ақпараттық тұрақтылығын күшейтуге беріліп отыр.
Осылайша, ұсынылған шығарылым Орталық қызметіне жан-жақты көзқарас ұсынып, нақты жұмыс процестерін, негізгі сын-қатерлерді және азаматтардың шынайы, дәл ақпаратқа қол жеткізу құқығын қорғауға бағытталған тәсілдерді толық көрсетеді.
