Аягөз қаласы «Қозы Көрпеш — Баян Сұлу» Мәдениет сарайында құқық бұзушылыққа қарсы «Нөлдік төзімділік» акциясы өтті. Шараны Аягөз аудандық прокуратурасы, аудандық білім бөлімі, аудандық мәдениет бөлімі және Аягөз аудандық жастар орталығы ұйымдастырды. Акцияға аудан жастары мен мектеп мұғалімдері қатысты.
{jcomments on}Қандай да болсын заңға қайшы әрекеттің қоғамға және жекелеген адамға тигізер зияны қаншалықты болатыны белгілі. Осы орайда аталмыш іс-шара барысында Мәдениет үйі әртістерінің орындауында ұсақ бұзақылық жайлы көріністер көрсетілді. Ал аудан жайдарманшылары құқық бұзушылықтың жастар болашағына үлкен кедергі келтіретінін әзілмен әрлеп көрсетті.
Жастарға берері мол игілікті іс-шара Мәдениет үйі фойесінде білім бөлімінің әзірлеген «Нөлдік төзімділік» атты фотокөрмесімен жалғасын тапты.
С. ИБРАЕВ,
Аягөз аудандық жастар орталығының директоры.
