Аудан әкімі Алмас Оңдақанов аудандағы әр салада еңбек еткен, ел құрметіне бөленген мамандық иелерін, көпбалалы аналарды, еңбек ардагерлерін мерекелік дастарқан басында қабылдады. Қабылдау барысында аудан басшысы көпбалалы аналарды «Алтын алқа» және «Күміс алқамен» марапаттады.
— Жер дүниенің жаңаруын, оның сәні мен мәнін паш ететін көгілдір көктемнің мерекесі қарсаңында Сіздерге және отбасылары-ңызға зор денсаулық, баянды бақыт тілеймін, — деді өз құттықтауында Алмас Аманқолұлы.
{jcomments on}Сол күні аудан басшысы Зайсан қаласында тұратын тоқсан жастың тұғырынан асқан, екі ғасырдың куәгері Нағима Нұрсұлтанованың, сол сияқты ері сұрапыл соғыста қаза тап-қан тыл ардагері Зүлжамал Құниярованың шаңырағына барып, қарияларды көктемнің алғашқы мерекесімен құттықтап, ізгі тілегін білдірді. Мерекелік сыйлығын тапсырды.
Өз кезегінде сөз алған ақ жаулықты аналар да аудан әкіміне алғыстарын білдіріп, шынайы ниетпен ізгі тілектерін ақтарды.
— Қарақтарым, мені елеп-ескеріп келгендеріңе көп рақмет айтамын. Еліміз аман, жұртымыз тыныш болсын. Мерейім тасып, көңілім көтеріліп, бір марқайып қалдым, — деді ғасыр жасына тақаған Нағима әжей.
А. ДӘУЛЕТ,
Зайсан ауданы.
