2025 жылғы желтоқсанда қазақстандықтар қосымша демалыс күніне ие болады. Tengri Life желтоқсандағы мереке және демалыс күндерінің күнтізбесін әзірледі, осылайша тұрғындар алдын ала демалысын, сапарларын немесе Жаңа жылды қарсы алуға дайындықты жоспарлай алады.
2025 жылғы желтоқсанда қанша демалыс күні болады
Желтоқсан – қарбалас ай саналады. Биыл қазақстандықтардың Тәуелсіздік күніне орай қосымша демалыс күні болады. Бұл мереке жыл сайын 16 желтоқсанда атап өтіледі.
Жалпы желтоқсан айында:
бес күндік жұмыс аптасында – 9 демалыс және 22 жұмыс күні;
алты күндік жұмыс аптасында – 4 демалыс және 26 жұмыс күні.
Жаңа жылдық мерекелерді ертерек жоспарлайтындар үшін 31 желтоқсан жұмыс күні болып қала беретінін ескерген жөн. Сондықтан жыл аяқталуы асығыстықсыз, артық күйбеңсіз өтуі үшін, тұрғындарға сатып алуларды, мерекелік дайындықты және сапарларды алдын ала жоспарлаған дұрыс.
31 желтоқсанды демалыс ету идеясы талқылануы
Әлеуметтік желілерде 31 желтоқсанды ресми демалыс күні ету керектігі туралы сұрақ мезгіл-мезгіл көтеріліп тұрады. Біз бұл мәселеге қатысты Еңбек және халықты әлеуметтік қорғау министрлігінің жоспарында қандай да бір шешім бар-жоғын білдік. Ведомствода бұл күн мемлекеттік мерекелер қатарына жатпайтынын және оны демалыс ету «орынсыз» деп саналатынын атап өтті.
Желтоқсандағы кәсіби мерекелер
Тәуелсіздік күнінен бөлек, желтоқсан айында түрлі сала мамандары атап өтетін кәсіби даталар да бар:
5 желтоқсан – Адвокатура күні;
6 желтоқсан – Прокуратура күні;
13 желтоқсан – Қылмыстық-атқару жүйесі қызметкерлерінің күні;
20 желтоқсан – Қазақстанның Мемлекеттік фельдъегерлік қызметі күні;
22 желтоқсан – Энергетик күні және Мұрағатшы күні.
