{jcomments on}2015 жылдың 17 наурызы күні Зайсан аудандық ерікті мүгедектер қоғамының ұйымдастыруымен мүгедек балаларға қаржылай көмек көрсету мақсатында қайырымдылық концерті ұйымдастырылды. Концерттік бағдарламада мүгедектер қоғамы жанындағы «Бозторғай» ансамблі, қоғамның өнерлі мүшелері және аудандық Мәдениет үйінің жас әншілері өнер көрсетті. Бір жарым сағатқа созылған концертті қорытындылаған Зайсан аудандық ерікті мүгедектер қоғамының директоры С.Мәкей қайырымдылық концертін өткізуге қолдау көрсеткен азаматтар мен демеушілерге өз алғысын білдірді. Сонымен қатар аудандық ішкі саясат бөлімінің басшысы З.Дуйсенбаева өз сөзінде Елбасы Н.Ә.Назарбаев 2014 жылғы 17 қаңтардағы Қазақстан халқына арнаған «Қазақстан жолы 2050: Бір мақсат, бір мүдде, бір болашақ» атты Жолдауында мүмкіндігі шектеулі азаматтарымызға көбірек көңіл бөлу керектігін, олар үшін Қазақстан кедергісіз аймаққа айналуға тиіс екендігін, бізде аз емес ондай адамдар-ға қамқорлық көрсетілу керектігін, бұл өзіміздің және қоғам алдындағы біздің парызымыз екендігін атап көрсеткенін, және осы Жолдауда берілген міндетке сәйкес, «Нұр Отан» партиясы аймақтарда «Кедергісіз келешек» жобасын жүзеге асырып жатқанын айтып өтті. Осы мақсатта Зайсан ауданында бірқатар жұмыстар атқарылды. Бүгінгі концерт — мүмкіндігі шектеулі жандарды қолдаудың бір түрі.
Олжас ШӘРІПБЕКОВ
