Елбасының «Нұрлы жол — болашаққа бастар жол» атты Жолдауын түсіндіру мақсатында арнайы құрылған ақпараттық Зайсан қаласындағы Сүт зауытында кездесу өткізілді. Кездесу барысында аудандық ішкі саясат бөлімінің басшысы З. Дуйсенбаева, аудандық ардагерлер кеңесінің төрағасы Т. Мырзаханов қатысушыларға Мемлекет басшысының тарихи Жолдауында еліміздің жаңа даму жолын айқындап, нақты белгілеп берген бағыттарын айтып, осыған дейін қабылданған бағдарламалардың жалғастырылатындығына тоқталды.
{jcomments on}Сонымен қатар ақпараттық топ мүшелері бағдарламаларды іске асыруға бөлінген қаржының ел игілігіне шашаусыз жұмсалуын қадағалауда «Нұр Отан» партиясының айрықша міндеттерін атап өтті. Кездесу барысында сүт зауытының технологы Т. Асқарова, шебер М. Қариева және аталған зауыттың директоры А. Барысов Жолдау жүктеген міндеттер бойынша өз пікірлерін білдірді.
Ақпараттық топтың жұмысы Зайсан аудандық ауруханасында аудандық ішкі саясат бөлімі және Жастар орталығының ұйымдастыруымен Елбасының «Нұрлы жол — болашаққа бастар жол» Жолдауын насихаттап, жүзеге асыру мақсатында 29 жасқа дейінгі жас дәрігерлермен «Менің Қазақстаным» атты дөңгелек үстелде жалғасты. Кездесуді аудандық ішкі саясат бөлімінің басшысы Зумрад Дүйсенбаева ашып, “Саламатты Қазақстан” бағдарламасы аясында біздің жас дәрігерлер білім деңгейлерін көтеріп, тарихта қалған мықты дәрігерлердің жолын жалғастырып, нәтижелі қызмет атқаруын сұрады. Зайсан ауданының әкімдігінің «Жастар орталығы» КММ директоры Олжас Шәріпбеков «Нұрлы жол — болашаққа бастар жол» Жолдауын насихаттап, барлық денсаулық сақтау жүйесінің ұйымдары әрі қарай да бәсекеге қабілетті денсаулық сақтау жүйесін құру, әрбір қазақстандықтың денсаулығын сақтау, нығайту және қалпына келтіру бағытында ауқымды міндеттерді орындау, қазақстандықтардың өмір сүру ұзақтығын 80 жасқа дейін жеткізу және одан да асыру, медициналық туризмді дамыту, міндетті медициналық сақтандыру жүйесін енгізу, медициналық санитариялық алғашқы көмек саласын дамыту жұмыстары жалғасын табатыны жайлы айтып кетті. Сөз кезегінде Зайсан ауданының орталық аурухана дәрігер-травматологы Медғат Омаров ауданымыздың ауруханасы көркейіп, білікті мамандар көбейіп, ісіміз оңға басып, наурыз мерекесі есте қаларлықтай жақсы өтіп, Зайсанымыз көркейе берсін деген тілектерін айтты. Кездесу соңында Зумрад Дүйсенбайқызы дәрігерлерімізге келешекте білікті дәрігер болуларына, қоғамдық жұмыстардан шектеліп қалмай, арасында жүріп, белсенді болуына тілектес болып, алдағы келе жатқан Наурыз мейрамымен құттықтады.
Олжас ШӘРІПБЕКОВ
