Semeytany.kz — Қазақстан кубогының финалында «Семей» футзал клубы «Ақтөбені» 5:2 есебімен жеңіп, мәртебелі трофейді екінші жыл қатарынан иеленді.
Шешуші ойында семейліктер ойын тізгінін ерте қолға алып, нәтижелі шабуылдарымен қарсылас қорғанысын жиі қателікке ұрындырды. Қорытынды есеп – 5:2. Осылайша, «Семей» Қазақстан кубогының тарихында екі жыл қатарынан жеңіске жеткен төртінші команда атанып отыр.
Айта кетейік, клуб 2023 жылы ғана құрылған. Соған қарамастан, қысқа уақыттың ішінде жоғары нәтижеге қол жеткізіп, ел футзалындағы бәсекенің бір белесіне айналды. Жанкүйер сенімін ақтаған ұжым қатарынан екі маусымда кубокты Семейге алып келіп, өңір спортының мерейін өсірді.
Қазіргі таңда бұл жеңіс «Семей» футзалының әлеуетін айқындап қана қоймай, алдағы маусымдарға да үлкен серпін беретін тарихи белес ретінде бағаланып отыр.
