Семей қаласы ІІБ көші — қон полиция бөлімінде ҚР Президент сайлауына арналып сайлаушылар құқығы жөнінде баспасөз мәслихаты өтті.
{jcomments on}ҚР Ата Заңында кәмелет жасына толған азаматтардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, тұрғылықты жерiне немесе кез келген өзге жағдаяттарға қарамастан, сайлауда дауыс беруге кез келген қазақстандықтың қатысуына құқығы бар екені көрсетілген. Бұл заңнаманы басшылыққа алған Семей қалалық ІІБ көші-қон полиция бөлімінің мамандары әр тұрғынның Президенттікке үміткерлерді таңдауда өз құқықтары бар екенін айтады.
— Қазақстан Республикасындағы сайлау туралы Конституциялық заңның 24-бабына сәйкес, нақтылы сайлау учаскесiнде азаматты сайлаушылар тiзiмiне енгiзу үшiн оның осы сайлау учаскесiнiң аумағында тұрғылықты жерi бойынша тiркелу фактiсi негiз болады. Сайлаушылардың тұрғылықты жерi бойынша тiзiмiн тиiстi жергiлiктi атқарушы орган халықты есепке алуды жүзеге асыратын органдар ұсынған мәлiметтердiң негiзiнде жасайды. Әрбiр сайлаушы сайлау жария-ланған немесе тағайындалған кезден бастап тиiстi жергiлiктi атқарушы органда сайлаушы ретiнде тiркелуге құқылы. Егер сайлаушыға сайлаудан кемiнде отыз күн бұрын сайлау күнi өзiнiң тiркелген орны бойынша дауыс беруге арналған учаскеге келу мүмкiндiгi болмайтыны белгiлi болса, онда сайлаушы өзінің баратын мекенжайы бойынша жергiлiктi атқарушы органға өзiн тиiстi сайлаушылар тiзiмiне енгiзу жөнiнде жазбаша өтiнiш беруге құқығы бар. Осы тармаққа сәйкес, азамат өтiнiш жасаған кезде, жергiлiктi атқарушы орган азаматты тiркелу орны бойынша сайлаушылар тiзiмiнен шығаруды және оны сол азамат дауыс беретiн учаскенiң сайлаушылар тiзiмiне енгiзудi ұйымдастырады,- деді Семей қалалық ІІБ мемлекеттік тіл және ақпарат бөлімінің жетекшісі Елубек Оспанов. Сонымен қатар Елубек Серікбосынұлы сайлаушыларда жеке басын куәландыратын құжаттары болмаған жағдайда немесе сайлау күні тұрғылықты мекенжайында болмайтын болса, қазірден бастап Халыққа қызмет көрсету орталығында сайлау бойынша жұмыс жасап отырған көші — қон полициясының мамандарына барып жолығу қажеттігін мәлімдеді.
Баспасөз мәслихатында көші — қон полициясы мамандары еркіндік пен теңдік, бейбітшілік пен татулық басты өмір қағидатына айналған қоғамымызда халқымыз бір кісідей сайлауға қатысып, таңдау жасайды деген сенімдерін білдірді.
Әйгерім СӘРСЕНҒАЛИ,
«Семей таңы»
