Аягөз ауданында кәсіпкерлік саласы жыл санап қарқынды түрде дамып келеді. 2011-2015 жылдары аралығында көптеген кәсіптік нысандар ашылып, мәдени және спорттық мекемелердің ғимараттары бой көтеріп, соның арқасында бүгінде аудан жұртшылығының біраз бөлігі жұмыспен қамтамасыз етіліп отыр.
{jcomments on}Мысалы, 2011 жылдың қыркүйек айында «Туған жерге тағзым» акциясы аясында Төлеутай Сқақұлының қолдауымен жаңа бокс залы және жеке кәсіпкер С.Кусакованың мал сою пункті салынған болатын. Ал «Балапан» бағдарламасы аясында бұрынғы 280 орындық балабақша аудандық бюджеттен бөлінген 50 млн. теңге қаржыға сатып алынып, облыстық бюджеттен ағымдағы жөндеуге 25 млн. теңге қаржы бөлініп, жаңартылған ғимарат аудандық сот мекемесіне берілген. Сондай-ақ «Тәуелсіздік», «Сапаржай» скверлеріне күрделі жөндеу жұмыстары жүргізілген.
«Ц.Бірлік» шаруа қожалығының басшысы Дидар Аязбеков өз қаражаты есебінен мал сою алаңын, ал жеке кәсіпкер Жұмағали Абжаханов ауыл тұрғындарына қызмет көрсету үшін токарьлық цех ашқан.
Ал 2012 жылы Аягөз локомотив жөндеу депосында жартылай вагондардың люк қақпақтарын жасайтын цех ашылған болатын. Сонымен қатар Аягөз қаласында аудандық ветеринария зертханасы мен Шыңғожа ауылында ауылдық дәрігерлік амбулаторияның жаңа ғимараты пайдалануға берілген.
Бұл тұрғыда атқарылған жүйелі жұмыстардың нәтижесін-де соңғы жылдары ауданның әлеуметтік-экономикалық жағдайы, кәсіпкерлік саласы қарқынды түрде дамуда. Қазіргі уақытта да әртүрлі сала бойынша жаңа нысандар пайдаланылуға беріліп, аудандағы жұмыссыздар саны азайған.
Аягөз аудандық ішкі саясат бөлімі.
