Семейде Қазақстанның азаматтық Альянсының қоғамдық акциясы өтті. Аталмыш шараға үкіметтік емес ұйымдар өкілдері, студенттер, денсаулық сақтау саласының мамандары, колледж-мектеп оқытушылары, университет қызметкерлері және қала тұрғындары қатысты.
{jcomments on}Қазақстанның азаматтық Альянсы – үкіметтік емес ұйым секторының негізін қалайтын қоғамдық ұйым. Алматы мен Астана қалалары және 14 облыстың, яғни 16 өңірлік құрылымдардың, Қазақстандағы 100-ге жуық үкіметтік емес ұйымдарының біріккен бірден-бір институты. Альянстың көрсететін қызметі – азаматтық қоғамның дамуын, билік пен бизнестің, қоғамның әріптестік байланысының нық әрекеттесіп құрылуын қамтамасыз ету.
Семей қаласының медициналық секторы даму үстінде. Ана мен баланың жағдайын жасау үнемі онкологиялық қызметтің бақылауында. Бұл сұрақтар күнделікті науқастарды қабылдайтын біздің дәрігерлер үшін де аса маңызды. Олар денсаулық сақтау саласы жүйесінде қаншалықты көңіл бөлінетінін жақсы біледі.
Көрермендер алдында сөз алған үкіметтік емес ұйымдардың өкілдері өздерінің пікірлерін де білдірді. Юлия Семенова СММУ-нің жалпы хирургиялық кафедрасында доцент болып қана емес, «Спешиал Олимпикс», ЮНИСЭФ сияқты халықаралық ұйымдардың кеңесшісі болып та жұмыс істейді.
— ЮНИСЭФ ұйымның жаңа бөлімін ашуды көп уақыт қарастырып, үнемі тексеру жұмыстарын жүргізді. Қуанышымызға орай, халықаралық сарапшылардың таңдаулары Қазақстанға түсті. Бұл — еліміздің қай сала болмасын жетістікке жеткеніне көз жеткізгендіктен, әрине. Соның ішінде маңызды рөл атқаратын медицина саласында ана мен бала өлімінің азайғанымен де байланысты, — дейді Юлия Семенова.
Шара барысында денсаулық сақтау саласының ардагері, СММУ-і медициналық орталығы директорының орынбасары Есен Масалимов, Семей қаласы «Поколение» қоғамдық бірлестігінің жетекшісі Ольга Петровская, СММУ профессоры Михаил Гладинец, «Исток» қоғамдық бірлестігінің төрайымы Людмила Михайлова сөз алып, өз пікірлерін білдірді. Сөз алғандар көрермендердің патриоттық сезімін оятып, сайлауға қатысып, дауыс беруге шақырды.
Шынар РЫСАКОВА.
