Қазақ хандығының 550 жылдығына орай, Семей қаласындағы ювеналды сотта «Қазақ хандығына 550 жыл» атты тақырыпта көрме ұйымдастырылды.
{jcomments on}Көрмеге Қазақстанның құрылу тарихы, билер институтының әлеуметтік маңызы, халықтың бірлігін сақтау жолындағы Керей мен Жәнібектің, сонымен қатар Төле би, Әйтеке би, Қазыбек билер жайында танымдық мақалалар, жарыққа шыққан еңбектер, фотосуреттер қойылды.
Сот төрағасы Ринат Кұсайынов Қазақстан Республикасы Үкіметінің 2014 жылғы 31 желтоқсандағы № 1448 Қаулысымен бекітілген 2015 жылы Қазақ хандығының 550 жылдық мерейтойын дайындау және өткізу жөніндегі іс-шаралар жоспарына сәйкес, 2015 жылдың мамыр айында Семей қаласында «Қазақ хандығын қалыптастыру мен нығайтудағы Қазақ елінің құқығы және билер сотының төрелігі» тақырыбында ғылыми конференциясы ұйымдастыру жоспарланғанын, көрменің Қазақ хандығының 550 жылдығын атауға байланысты іс-шараның алғашқы бастамасы болып табылатынын атап өтті.
Көрменің негізгі мақсаты Қазақ хандығының тарихын терең танып білу, сол кездегі билер институтының қоғамдағы рөлін насихаттау болып табылады.
ШҚО № 2 кәмелетке толмағандардың
істері жөніндегі мамандандырылған
ауданаралық сотының баспасөз қызметі.
