Қоғаммен жедел кері байланыс қамтамасыз ету мақсатында Қазақстан Республикасы Мемлекеттік қызмет істері агенттігімен «EgovKzBot2.0» телеграм-ботын іске қосылған болатын.
Бұл бот азаматтардың мемлекеттік органдармен өзара әрекеттесуін жақсарту, сондай-ақ мемлекеттік қызметтердің нәтижелеріне және қызмет берушілердің әрекеттері мен әрекетсіздіктеріне шағымдану мәселелерін жеңілдету үшін жасалған.
Негізгі назар азаматтардың құқықтары мен заңды мүдделерін қорғауға, сондай-ақ халықтың мемлекеттік органдарға деген сенімін арттыруға бағытталған. Сонымен қатар, агенттіктің аумақтық департаменттері мемлекеттік қызметтерді көрсету мәселелері бойынша мемлекеттік органдардың немесе лауазымды тұлғалардың әрекеттері мен шешімдеріне қатысты жеке және заңды тұлғалардың өтініштерін қарайды.
Бұл боттың басты мақсаты – мемлекеттік қызметтер сапасы бойынша азаматтармен жедел кері байланыс орнату, сондай-ақ туындаған мәселелер бойынша толық ақпарат ұсыну. Егер қызмет алушының мемлекеттік қызмет көрсету сапасына қатысты ұсыныстары немесе ескертулері болса, ол «EgovKzBot2.0» телеграм-боты арқылы хабарласуға болады.
Егер мемлекеттік органдардың немесе олардың лауазымды тұлғаларының әрекеттеріне шағымдар болса, азаматтар бот арқылы шағым жіберіп, шағымды қарау процесі туралы толық ақпарат ала алады және шағым бойынша егжей-тегжейлі түсіндірмелер алады.
Бүгінгі таңда Қазақстан Республикасы Мемлекеттік қызмет істері агенттігінің Абай облысы бойынша департаменті азаматтарға тиісті түсініктемелер мен консультациялар беру үшін телеграм-ботты белсенді түрде пайдаланып келеді. Егер мемлекеттік қызмет көрсету барысында қызмет алушылардың құқықтары бұзылса немесе сұрақтар туындаса, тұрғындар Telegram «EgovKzBot2.0» платформасына жүгінуге болады.
ҚР Мемлекеттік қызмет істері агенттігінің Абай облысы бойынша департаменті
