Аймақ басшысы жуырда жұмыс сапарымен Семей қаласында болып, өндіріс—тік кәсіпорындар жетекшілерімен, шағын және орта кәсіпкерлік сала өкілдерімен, білім беру, денсаулық сақтау, мәдениет және спорт мекемелері басшыларымен кездесулер өткізді.
{jcomments on}Даниал Ахметов кездесу қатысушыларына шаһар бойынша басталған абаттандыру шаралары жайлы айтып өтті. Бұдан бұрын айтылғандай, Орталық алаңда сәулелі-музыкалы субұрқақ салынып, Ертіс жағалауы көркейтілмек. Облыс әкімі қала құрылысы басшысына жұмыстарға қарқын алдырып, жобаны жылдамдатып іске асыруды тапсырды.
Өңір басшысы сондай-ақ барлық семейліктерді қазіргі күні ұйым-дастырылып жатқан сенбіліктерге белсенді қатысуға шақырды.
– Қаладағы абаттандыру шарасы нәтижелі болуы үшін, әркім өзіндік үлес қосуы тиіс, — деп атап өтті Даниал Ахметов.
Кездесулер барысында Жеңістің 70 жылдығын мерекелеу мәселесі жеке көтерілді. Облыс әкімі соғыс-қа қатысқандар мен мүгедектерге айрықша назар аударуға үндеп, игі істерге бастамашы болуға шақырды. Бұл орайда қала басшылығына Семейде тұрып жатқан 108 ардагерді мекемелер мен ұйымдар қамқорлығына бөліп беруге тапсырма берді.
— Қазақстандық қоғам өздері шексіз құрмет көрсетуге міндетті адамдардың алдындағы азаматтық парызын орындауда. Облысымыздағы әрбір соғыс ардагеріне 500 мың теңге табыс ету туралы шешім қабылданды, — деді Даниал Ахметов.
Әкім келесі кезекте Абай театрындағы жұмыстармен танысты. Бұл жерде ол бір ғимаратта еңбек етіп жатқан қазақ музыкалық-драма театры мен Достоевский атындағы орыс драма театры және «Дариға-ай!» жастар театрының ұжымымен кездесті. Өнер адамдарымен өткен әңгіме барысында өңір басшысы барынша көмек көрсететінін жеткізді.
— Бұл еліміздегі ең үздік театрлардың бірі екеніне сенімдімін. Театр өнер сапарына жиі шығуы тиіс. Қазақстандық мәдениет үлгісін шетелдерге де көрсетуіміз керек. Бұл ретте қолдау жасалатын болады. Мұнда еңбек ететіндер арасында жастар көп, демек болашағы да зор деген сөз. Табыс-тар мен жаңа биіктер тілеймін, — деді Даниал Кенжетайұлы кездесу қорытындысында.
ШҚО Ақпараттық орталығы.
