Абай Құнанбайұлының 170 жылдығына және Абайдың мемлекеттік қорық—мұражайының 75 жылдығына орай, «Хакім Абай ұлағаты» атты көрме тұңғыш рет Атырау қаласындағы Облыстық өлкетану музейінде ашылды.
{jcomments on}Абай қорық-мұражайының директоры Ж.Әубәкір және Атырау облысы әкімінің орынбасары Ш.Мұқан көрменің тұсауын кесті. Көрме ұлы тұлға, қазақтың бас ақыны Абай Құнанбайұлының өмірі мен шығармашылығын, қоғамдық қызметін, Абай ұрпақтарын, ақын шәкірттерінің мұрасын Атырау жұртшылығына таныстыру, насихаттау мақсатында ұйымдастырылды. Көрмеде Атырау жұртшылығына Абайдың жеке заттары — кісе белбеу, шыныаяққап, сонымен қатар ең алғаш Еркежанның көйлегі, қамзолы, кіршомбал ұсынылды.
Көрмеге келген Атыраудың зиялы қауым өкілдері, студенттері мен оқушылары Абай шығармашылығы мен қызметі, ақын шәкірттері жөнінде, соғысқа қатысқан Абай ұрпақтары туралы мәліметтер мен фотосуреттер және мұражайдың ғылыми-зерттеу жұмыстарын насихаттайтын баспа өнімдері, мұражай бөлімдері, қызметімен танысып, өз ризашылықтарын білдірді.
Абай мұражайының директоры Ж. Әубәкір Атырау қаласының Облыстық өлкетану мұражайының директоры Р. Хариповаға және қызметкерлеріне алғысын білдіріп, екі мекеме арасындағы рухани байланыстың өркендеуі жолындағы еңбектеріне сәттілік тіледі.
Абайдың мемлекеттік қорық—мұражайының баспасөз қызметі.
