Семей қаласындағы №64 сайлау учаскесі Ш. Қабылбаев көшесі, 32 мекенжайында орналасқан Абай облысы білім басқармасының Семей қаласы білім бөлімінің «Экономикалық лицейі» КММ ғимаратында жұмыс істеуде. Қазіргі уақытта мұнда дауыс беру процесі қалыпты әрі қарқынды жалғасып жатыр.
Учаскелік комиссия мүшесі Арайлы Болатқанқызының айтуынша, қазіргі уақытқа дейін 500-ден астам сайлаушы келіп, өз таңдауын жасап үлгерген. Сондай-ақ аталған учаскеде ең жас дауыс беруші – 2008 жылы туған азаматша.
Бүгін бұл сайлау учаскесінде Абай облыстық ардагерлер кеңесінің төрағасы Алин Мұратқазы да дауыс берді. Ол өз пікірінде:
«Бүгінгі таңдауымыз – ертеңгі ұрпақтың болашағы үшін жасалып отырған маңызды қадам», – деп атап өтті.
Қазіргі уақытта №64 сайлау учаскесінде дауыс беру жұмыстары талапқа сай жалғасуда.
