Дүйсенбі күні Семейдің Орталық алаңында Қазақстан Республикасы Президенті сайлауындағы Нұрсұлтан Назарбаевтың жеңісіне орай, Жеңімпаздар форумы болып өтті. Қолдарына жалау-ша ұстап, ұрансөз көтеріп шыққан сайлаушылар барша семейліктерді жеңістерімен құттықтап, «Бір ел, бір тағдыр, бір Көшбасшы», «Тарих таңдаған, халық қолдаған – Н.Назарбаев!» деген жалынды сөздеріне «Нұрсұлтан!», «Нұр Отан!», «Қазақстан!» деп дауыстап үн қосты. Елбасыға дауыс беріп, сенімдері ақталған көптің қатарында ардагерлер де, студенттер де, түрлі сала қызметкерлері, барлық қоғам өкілдері болды.
{jcomments on}Форумды салтанатты түрде ашқан Нұрсұлтан Әбішұлы Назарбаевтың Семей қалалық сайлауалды қоғамдық штабының төрағасы, саяси ғылымдар докторы, Семей қаласының Шәкәрім атындағы мемлекеттік университетінің ректоры Шәріпбек Әмірбеков:
— Құрметті форумға қатысушылар! Күні кеше Тәуелсіз Қазақстан тарихындағы ерекше тарихи күн болды. Себебі Президент сайлауы біздің Елбасы Нұрсұлтан Әбішұлы Назарбаевты бүкіл халықтық қолдауға қосты. Бұл — Қазақстан тарихындағы ерекше сайлау. Себебі осындай әлемдік дағдарыс жағдайында Қазақстан халқы өзінің Президентімен бірге оның жүргізіп отырған саясатын қолдайтындығын бүкіл әлемге танытты. Кешегі сайлауда бүкіл қазақстандықтар сайлауға белсенді түрде қатыса отырып, Елбасының жүргізіп отырған саясатына, сонымен бірге болашаққа ұсынып отырған бағдарламаларына толық қолдау білдірді. Кеше сіздер бір ауыздан Елбасымызға дауыс бере отырып, қазақстандықтардың Ұлт Көшбасшысы айналасына топтасқанын көрсеттіңіздер. Бұл тұрақтылық, Қазақстанның болашағы үшін дауыс беру болды. Міне, осы сайлауды өткізуге сіздердің баршаларыңыз атсалыс-тыңыздар. Сіздерге көптен-көп рахмет. Сонымен бірге Президентіміздің жергілікті аймақтағы саясатын жүргізіп, бүкіл бағдарламасын жүзеге асыруға тікелей қатысып отырған Семей қаласының әкімдігі де зор үлес қосты. Мұнымен қатар қалалық, облыстық мәслихаттар депутаттарына да ерекше алғыс білдіргіміз келеді. Сонымен бірге кешегі саяси науқанда семейліктердің барлығы дерлік сайлауға қатыса отырып, өздерінің азаматтық позициясын білдірді. Сондықтан сіздерге үлкен рахмет. Алдағы жеңістерге жеткенше, осылай белсенділігіміз арта берсін, — деді Семей қалалық сайлауалды қоғамдық штабының төрағасы.
Келесіде сөз алған Семей қалалық Достық үйінің директоры Аман Тілеубаев форумға қатысушыларға бұл сайлаудың Қазақстандағы ынтымақтастық пен бірліктің, Қазақстан халқы Ассамблеясының жеңісі болғанын айтып, жеңімпаздарға жылы лебіз білдірді.
— Қазақстан халқы Ассамблеясы кезектен тыс Президент сайлауын өткізуге ұсыныс жасап, соған байланысты Елбасы Жарлыққа қол қойған-ды. Кешегі сайлауда бүкіл қазақстандықтар, оның ішінде Семей халқы, бұрын — соңды болмаған белсенділік көрсетті. Сондықтан да кешегі сайлау Қазақстан тарихында алтын әріппен жазылады деп ойлаймын. Біз егер де әр уақытта осындай ауызбіршілік көрсете білсек, Мәңгілік Ел болатындығымызға кәміл сенемін. Қазақстан жасай берсін! — деді Аман Тілеубаев өз сөзінде.
— Құрметті семейліктер! Мен сіздерді Елбасы таңдауын жасаудағы жеңістеріңізбен шын жүректен құттықтаймын, — деп жал-ғастырған соғыс ардагері Петр Коломин: — Семейліктердің 98 пайызы біздің Елбасымыз Нұрсұлтан Әбішұлы Назарбаевқа дауыс берді. Н.Назарбаев — біздің дәуірі-міздегі ең беделді адамдардың бірі. Оның басшылығымен еліміздің өркендеп келе жатқанын көріп отырмыз, — деп, мемлекеттік тілде — Нұрсұлтан Әбішұлы Назарбаев жасасын! Алға, Қазақстан! Нұрсұлтан, Қазақстан! Нұрсұлтан, Қазақстан! — деп ұрандатты.
Шара барысында жұмысшылар санатының атынан Семей қаласының Цемент зауытының жұмысшысы Азамат Нұрғазинов та сөз сөйлеп, жүрекжарды тілегін білдірді. Ал Жеңімпаздар форумын қорытындылап, Семей қаласы жастарының атынан «Жасыл Ел» жастар еңбек жасақтарының Шығыс Қазақстан облыстық филиалының директоры Қуаныш Қасенов сөз сөйледі.
— Құрметті Семей жұртшылығы! Бүгінгі үлкен мерекемен, үлкен жеңіспен шын жүректен баршаларыңызды құттықтаймын. Бұл — қаншама жыл бойы еліне ерен еңбек сіңірген Мемлекет басшысына деген ел сенімінің беріктігі. Бүгінгі Елбасының жеңісі — бұл біздің жеңісіміз. Қазіргі таңда Елбасының салиқалы саясатының арқасында елімізге, жерімізге, соның ішінде жастарға жасалған жақсылығы аз емес. Қадірменді жұртшылық, қадірменді жастар! Елбасы өз сөзінде: «Жастар — ол менің жас көмекшілерім», — дейді. Сол себепті жастар Елбасымен әрқашан да біргеміз. Еліміз қуатты, Тәуелсіздігіміз тұрақты болсын, — деді.
Орталық алаңда қалалықтар басын қос-қан Жеңімпаздар форумының барынша әсерлі өтуіне шаһар өнерпаздары да айтарлықтай үлес қосты. Шара соңы рухты — патриоттық әндерге ұласты.
Асан МЫРЗАХАНОВ,
«Семей таңы»