Semeytany.kz – Президент Қасым-Жомарт Тоқаев бастамасымен жүзеге асып жатқан «Таза Қазақстан» бағдарламасы аясында Абай облысында ауқымды жалпыөңірлік тазалық акциясы ұйымдастырылды.
Өңір бойынша өткен сенбілікке облыстық әкімдік қызметкерлері, басқармалар, Семей қаласындағы мемлекеттік мекемелер, білім беру ұйымдары, мәдениет және спорт нысандары, құқық қорғау органдары, әскери бөлімдер мен партия филиалдары белсенді түрде қатысуда. Қала аумағында орталық көшелер, тұрғын алаптар және «Бейбітшілік» аралында санитарлық тазалау және абаттандыру жұмыстары жүргізіліп жатыр.
Акцияға облыстың аудан тұрғындары да кеңінен атсалысуда. Мәселен, Бородулиха ауданында өткен сенбілікке 300-ден астам адам қатысып, 12 тонна қоқыс шығарылды. Ал Аягөз ауданында 4 мыңға жуық тұрғын жұмылдырылып, 570 тонна қоқыс жиналды. Сонымен қатар 2000 гектар аумақ тазартылып, 56 техника іске тартылған.
Айта кетейік, бұған дейін облыс әкімі Берік Уәли өңір тұрғындарына арнайы бейнеүндеу жасап, тазалық акциясына белсенді қатысуға шақырған болатын. Қазіргі таңда акция барлық аудан мен елді мекендерде жалғасып жатыр.
