Қаратал ауылында Жеңістің 70 жылдығына орай «Туған жерге тағзым» акциясы аясында салынған, соғыс ардагерлеріне арналған ескерткіштің ашылу рәсімі болып өтті.
{jcomments on}Ескерткіштің ашылу салтанатына Зайсан ауданының әкімі Алмас Оңдақанов қатысты. Ауыл әкімі Тал-ғат Дүйсембаев шараның орын алуына үлес қосқан бірқатар ауылдастарды марапаттап өтті. Атап айт-қанда, Мұхаметрақым Көксегенов, Амантай Ибраев, Марат Қоқанов, Әлібай Елегенов, Ермек Аубакиров, Мықтыбай Саматаев, Бекболат Зарлықай, Қайрат Тойғұлов, Айман Омарова, Роза Бурашева, Назира Калиева, зайсандық суретші Жұмабек Сүлейменовтердің есімдерін атап өтті.
Шара барысында құттықтау сөз майдангерлердің ұрпақтары зейнеткерлер Василий Клименко, Гүлнар Қошқарбаева, Валентина Цыганчуктерге берілді. Сонымен қатар осы күні Қазақстанның түкпір-түкпірінен келген зайсандық майдангерлер ұрпақтары да жиналған жұртшылықты құттықтап өтті.
Шара барысында мектептің 10 сынып ұлдары әскери өнер көрсетсе, балғын бишілер өз өнерлерін ортаға салды. Сондай-ақ Мәдениет үйінің әншісі Айнұр Қалиева жиналған көпшілікке арнап ән салды. Ал ауылдық Мәдениет үйінің меңгерушісі М.Саматаев соғыс кезіндегі әндерден поппури орындады.
Қараталдықтар өз майдангерлерін әрдайым ардақтайды.
Назира ҚАЛИЕВА,
«Семей таңы» газетінің штаттан тыс тілшісі.
