Жүректерді біріктірген ізгілік – қоғамның рухани деңгейін, адамдар арасындағы өзара сыйластық пен жанашырлықты айқындайтын маңызды құндылықтардың бірі. Мұндай игі бастамалар болашақ медицина мамандарының тек кәсіби біліктілігін ғана емес, сонымен қатар адамгершілік қасиеттерін де қалыптастыруға зор ықпал етеді. Әлеуметтік жауапкершілікті сезіну, мұқтаж жандарға қолдау көрсету – қазіргі заман медицинасының ажырамас бөлігі болып табылады.
2026 жылы сәуірде қоғамдық денсаулық кафедрасының оқытушылары А.А. Мукушева, Г.К. Қайратова, А.К. Ибраева, Д.С. Серикова-Есенгельдина., Г.К. Қайратова, Д.М. Маратова, Ж.Е. Калбагаева, Д.Е. Советбековтың жетекшілігімен студенттер паллиативтік көмек және мейіргерлік күтім ауруханасына барды. Іс-шара аясында мекеме пациенттеріне арналған «Ерікті түрде – баршаға пайда» атты қайырымдылық акциясы ұйымдастырылды.
Іс-шараның басты мақсаты – студенттердің волонтерлік қызметке қызығушылығын арттыру, олардың бойында әлеуметтік жауапкершілік сезімін қалыптастыру, мұқтаж жандарға көмектесуге деген ұмтылысты дамыту, сондай-ақ қиын өмірлік жағдайға тап болған науқастарға жанашырлық пен адамгершілік қарым-қатынасты нығайту болды.
Кездесу барысында қоғамдық денсаулық кафедрасының оқытушылары паллиативтік көмек көрсетілетін пациенттерге қолдау білдірудің маңыздылығын атап өтті. Олар адамгершілік, мейірімділік пен жан жылуының науқастар үшін қаншалықты маңызды екенін ерекше жеткізді.
Студенттер алдын ала дайындалған қажетті әлеуметтік күтім құралдарын пациенттерге табыстап, олармен әңгімелесіп, уақыт бөліп, моральдық қолдау көрсетті. Пациенттер де студенттермен ашық қарым-қатынас орнатып, көрсетілген қамқорлық пен ықылас үшін алғыстарын білдірді.
Акция нәтижесінде студенттердің волонтерлік қызметке деген ынтасы артып, науқастармен қарым-қатынас жасау дағдылары нығайды. Сонымен қатар, паллиативтік көмектің маңыздылығын терең түсініп, жанашырлық пен эмпатия сезімдері одан әрі күшейе түсті.
Аталған қайырымдылық шарасы волонтерлік қызметті дамыту мен әлеуметтік қолдауды күшейтуге бағытталған бастамалармен үндес келеді. Волонтерлік қызмет туралы заң аясында мұндай іс-шаралар қоғамда азаматтық белсенділікті арттыруға және әлеуметтік мәселелерді бірлесіп шешуге мүмкіндік береді.
Сонымен қатар, акция БҰҰ Тұрақты даму мақсаттарымен де тығыз байланысты. Атап айтқанда, бұл бастама «Сапалы білім» (4-мақсат), «Денсаулық және әл-ауқат» (3-мақсат) бағыттарын жүзеге асыруға өз үлесін қосады. Студенттердің тәжірибе арқылы білім алуы, қоғамның осал топтарына қолдау көрсетуі және әлеуметтік жауапкершілікті сезінуі – тұрақты әрі әділетті қоғам құру жолындағы маңызды қадамдардың бірі.
Осылайша, мұндай қайырымдылық акциялары тек бір реттік көмек көрсетумен шектелмей, болашақ мамандардың кәсіби әрі адами құндылықтарын қалыптастыруға, қоғамның тұрақты дамуына негіз болатын игі дәстүрге айналуда.
Семей медицина университеті
«Қоғамдық денсаулық» кафедрасы профессорлық-оқытушылық құрамы
