«Заң керуені» көшпелі акциясы аясында құқық қорғау және облыстық мемлекеттік органдар өкілдерінен құралған мобильді топ Семей қаласының тұрғындарына құқықтық көмек көрсетіп, заңнама талаптарын түсіндіру жұмыстарын жүргізді.
Аталған шара «Заң және тәртіп» идеологиясы аясындағы апталық негізінде «СОЦ.KZ» қоғамдық қорының ұйымдастыруымен өтті.
Іс-шара барысында азаматтар өздерін толғандырған сұрақтарын қойып, түрлі құқықтық мәселелер бойынша кеңес алды.
Акцияға қатысқан Қазақстан Республикасы Мемлекеттік қызмет істері агенттігінің Абай облысы бойынша департаментінің қызметкерлері сыбайлас жемқорлықтың алдын алу, қоғамда заңдылық пен ашықтық қағидаттарын нығайту, сондай-ақ сыбайлас жемқорлық құқық бұзушылықтарына мүлдем төзбеушілік мәдениетін қалыптастыру бағытында түсіндіру жұмыстарын жүргізді.
Сонымен қатар мемлекеттік қызмет туралы жаңа заң, мемлекеттік қызметке орналасу тәртібіне ензілген өзгерістер және мемлекеттік қызметті өткеру мәселелеріне қатысты азаматтарға құқықтық кеңестер берілді.
Мұндай кездесулер халықтың құқықтық сауаттылығын арттыруға және мемлекеттік органдар мен азаматтар арасындағы ашық диалогты дамытуға ықпал етеді.
Қазақстан Республикасы Мемлекеттік қызмет істері агенттігінің Абай облысы бойынша департаменті
