Шығыс Қазақстан облысының әкімі Даниал Ахметовтің испаниялық «SOXNA» компаниясының президенті Алсина Луиспен кездесуі барысында ШҚО – да испаниялық «Реал Мадрид» клубының тәжірибесі бойынша жұмыс жасайтын 300 орындық футбол академиясының жобасы жайлы мәлім болды.
{jcomments on}Даниал Ахметов испаниялық «SOXNA» компаниясы президентінің ақпаратымен таныса отырып, Өскемен қаласында қолданылып келе жатқан база негізінде 300 орындық футбол академиясын құруға қолайлы екендігін жеткізді. Бұл ретте испаниялық мамандар бір апта көлемінде ойланып, өз ұсыныстарын тапсыратынын жеткізді.
– Академия жұмысы іске қосылып, жұмыс жасаған жағдайда, 100 адам облыстық спорт интернатынан ірікте-лініп алынса, 200 адамды испаниялық мамандар іріктейді. Сондықтан, біздің мамандарға, үміткерлерге қойылатын талаптар мен қабылдау шарттарын берулеріңізді сұраймын, – деді Даниал Ахметов.
Сондай-ақ, аймақ басшысы айтып өткендей, егер бірінші жылдан бастап академия қарқынды жұмыс жасаса, онда жұмыс көлемін кеңейту мәселесі қарастырылмақ.
Компания президентінің айтуы бойынша, дәл осындай жүйе арқылы 10 елде жұмыс жасауда және ШҚО-мен де бірлесе атқарар жоба жемісін береріне сенімді.
Аталған «SOXNA» компаниясы бүгінгі күні «Реал Мадрид» футбол клубымен ұсынылған футбол мектептерін дамытушы компания болып табылады. Сонымен қатар, оның жаттықтырушылар тобында УЕФА сертификатын иеленген білікті испаниялық мамандар жұмыс істеуде. Осылайша, «Реал Мадрид» клубы әлемнің 60-қа жуық елінде футбол академиясын құрған.
ШҚО Ақпараттық орталығы.
