Шойыннан құйылған кірді бір қолмен көтеру арқылы орындалатын гир көтеру спорты Тарбағатай ауданындағы мектептерде ойдағыдай жолға қойылған десе болады. Аса көп жабдықты қажет етпейтін спорттың бұл түрімен мектеп оқушылары қызыға айналысады. Соңғы жылдары спорттың осы түрінен аудандық жарыстар өткізу дәстүрі қалыптасқан. Таяуда Қабанбай ауылында өткен жарыс соның нақты дәлелі. Хамза СӘТИЕВ,
«Семей таңы»
Гир көтеру спортынан мектеп оқушыларына арналып өткен аудандық турнирге ауданымыздағы елуге жуық мектептен 100-ге жуық жасөспірім спортшылар қатысты. Гир көтеру спортын жақсы меңгерген жас спортшыларымыз 8 салмақ дәрежесі бойынша күш сынасты. Әрине, кірдің тасын көтеру оңай емес. Ол үшін тың-ғылықты дайындық, көп еңбек керек. Мектептердегі дене тәрбиесі пәнінің мұғалімдері өз шәкірттерін осы жарысқа дайындау кезінде аз тер төкпегені белгілі. Жарыстың аты-жарыс. Бәсекеде мықтылар ғана жеңеді. Бұл жолы да солай болды. Жарыстың қорытындысы бойынша А.Қадылбеков, А.Серіков, С.Ахмадиев, С.Нұрмұханбетов, А.Әскербеков, Д.Жақиянов, Д.Жүнісовтер өз салмақ дәрежелері бойынша І-орын алып, осы жарыстың жеңімпаздары атанды.
Жарыстың жеңімпаздары мен жүлдегерлеріне аудандық дене шынықтыру және спорт бөлімі тағайындаған арнайы сыйлықтар тапсырылып, грамоталармен марапатталды.
Хамза САТИЕВ,
«Семей таңы»
