Көкпекті ауданында өткен жылдың қыркүйек айында «Мемлекеттік және басқа тілдерді үйрену Орталығы» құрылды. Орталық жұмысының негізгі бағыттарының бірі – мемлекеттік тілдің қолданыс аясын кеңейту және іс-қағаздарын мемлекеттік тілде жүргізуге үйрету, қазақ ұлтының салт-дәстүрлерін насихаттай отырып, қазақстандық патриотизмге тәрбиелеу болып табылады.
Орталықты құрал-жабдықтармен қамтамасыз ету мақсатында интерактивті құрыл-ғысымен компьютерлік сынып орнатылды. Ендігі кезекте қазақ тілін үйренуге қызығушылық танытушы кез-келген адам орталықтың қызметін толықтай пайдалана алады.
Құрылғаннан кейін бір ай шамасында қазақ тілін түрлі деңгейде үйрену үшін 6 топ ұйымдастырылды. Оның ішінде, 1 топ – жаңа бастаушылар үшін, 3 топ – мемлекеттік қызметкерлер үшін. Барлық топтар қазақ тілін еркін меңгеріп шығу үшін 6 -8 ай көле-мінде үйрену сабақтарынан өтеді.
{jcomments on}Қазіргі кезде орталықта барлығы 92 адам үйренуші ретінде сабақ алуда. Мемлекеттік қызметкерлердің уақыт тығыздығына байланысты үйрету сабақтары жұмыс орындарына жақын жерлерде өткізілуде. Сонымен қатар, ағымдағы жылы үйренуші онлайн режимде сабаққа қатысу үшін интернет желісі арқылы қашықтықтан оқыту жүйесін енгізу жоспарлануда.
Орталықтың оқытушылары «Тіл арқылы ел тану» тақырыбы арқылы қазақ тілін үйрете отырып, қазақ елінің ерекшеліктеріне, әдет-ғұрпына негізделген сабақтарды үйретеді. Құрылғанына 5 ай ғана болған орталық қызметкерлерінің алға қойған мақсаттары көп. Орталық ұжымы алдағы уақытта жазғы демалу лагері базасында қазақ тілін үйренушілер тобын құру, мемлекеттік қызметкерлерге тиімді уақыт табу сияқты өз жоспарларын жүзеге асыруға бағытталған кешенді жұмыстар жүргізуде.
Елена СИХВАРТ, Көкпекті ауданының мемлекеттік және басқа тілдерді үйрену
орталығының директоры
