Өткен аптаның соңында қаламыздағы №43 мектептің жанынан шаһардағы «Возрождение» неміс қоғамдық бірлестігі ашқан мектепке дейінгі білім беретін «Вундеркинд» орталығының салтанатты түрдегі ашылу рәсімі өтті.
Айта кету керек, 4 пен 6 жас аралығындағы балақайларға арналған бұл орында, негізінен, қаламызда тұратын неміс диаспорасының балалары тәрбие алмақ. Мұндай орталық қазіргі таңда еліміздің бірқатар қалаларында, оның ішінде Астана, Қара-ғанды, Балқаш, Көкшетау шаһарларында ашылған. Ал Семей қаласында алғаш рет тұсауы кесіліп отыр. Аталмыш орталық Германия Федеративтік Үкі-меті бөлген арнайы грант нәтижесінде ашылуда. Осы-ған дейінгі жаңа орталық Тараз қаласында есік ашқан болатын. — Орталықтың басты міндеті — балаларды отан-сүйгіштікке тәрбиелеп, олардың мемлекеттік тілді меңгеруіне ықпал жасау. Сонымен қатар, әрине, өздерінің ана тілі – неміс тілін ауызекі қолданыс деңгейінде үйренеді. Расын айту керек, қазіргі күні қаламызда 15 мыңдай неміс ұлтының өкілдері тұрады. Олардың балалары түгіл өздері де туған тілдері мен салт-дәстүрлерін ұмытып бара жатыр. Бұл орайда айта кететін жайт, Елбасы Нұрсұлтан Назарбаев біздің еліміздің тұрақтылық және келісім моделін дамытуда айтарлықтай табыстарға жеткендігін, Қазақстан Консти-туциясы нәсілдік, этностық, діни және әлеуметтік қатыс-тылығына қарамастан, бар-лық азаматтың құқықтық теңдігіне кепілдік беретінін айтқан болатын. Ал мұнда балалар ойын түрінде қазақ және неміс тілдерін оқып меңгереді. Сондай-ақ оларды қолданбалы өнер мен неміс қолөнерінің негізін білуге баулитын боламыз,- дейді пікір білдірген «Возрождение» неміс қоғамдық бірлестігінің төрайымы Лилия Гончарук. Мектепке дейінгі орталық қазір жаңадан жабдықталып жатыр. Онда ендігі аралықта екі топ тәрбие алмақ. Әр топта 15-тен балақай бар. Барлығы да балабақша жасында. Тек неміс ұлтының балалары ғана емес, тілек білдірген кез келген ұлттың балалары да қабылдана береді. Қазіргі күні тәрбиеші-әдіскерлер жұмысы пысықталу үстінде. Сонымен қатар алдағы уақытта бала-қайларға ағылшын тілін оқы- ту да көзделу үстінде. Ол мәселе тек ата-аналармен ақылдасып барып қана шешілмек. Аталмыш орталықтың салтанатты ашылу рәсімінде Достық үйінің әжелері қазақы дәстүрмен шашу шашты. Баталы тілек білдірді.
Қуаныш ЖОЛЫМБЕТ, «Семей таңы»
