Өткен сенбі, 4 маусым күні Семей қаласының Орталық алаңында, ҚР Мемлекеттік рәміздері күні және ел Тәуелсіздігінің 25 жылдығына орай, ҚР Ұлттық Ұландары мен «Шығыс» өңірлік қолбасшылығының әскери оркестрлерінің плац-концерті ұйымдастырылды.
Шараның негізгі мақсаты ҚР Қарулы Күштері әскери оркестрлерінің абыройын арттыру әрі өскелең ұрпақты әскери-патриоттық рухта тәрбиелеу болып табылды. Концертке «Шығыс» әскери қолбасшылығының, Өскемен, Павлодар, Семей, Аягөз және Үшарал қалаларындағы ҚР Ұлттық Ұландары 6679, 5511, 5518 әскери бөлімдері және ҚР Қарулы Күштерінің 40398, 10810, 27943 әскери бөлімдері қатысты. Мұндай патриоттық шара Семейде 2005 және 2006 жылдары өткізіліпті. «Мұндай плац – концерт ауқымды деңгейде алғаш рет өткізіліп отыр»,- деді «Шығыс» өңірлік қолбасшылығы әскери оркестрінің басшысы Мақсат Шәкенов.
— Барша семейліктермен қатар, күллі отандастарымызды еліміздің басты нышандары болып саналатын Мемлекеттік рәміздер күні және егемен еліміздің 25 жылдық мерейтойымен шын жүректен құттықтаймын. Бүгінгі плац-концертке, көріп тұрғандарыңыздай, көрші облыстардың әскери өнер ұжымдары да қатысуда. Бұл — қуантарлық жағдай. Жыл санап бұл шараның ауқымы өсіп келеді. Ол өз кезегінде басқа өңірлердегі біздің әріптестерімізбен тәжі-рибе алмасуға зор мүмкіндік береді. Осы арқылы біз өз өнерпаздарымыздың дең-гейін байқап, ары қарайғы жұмысымызды дамыта аламыз. Келесі жылғы плац-концертті Өскемен қаласында ұйымдастыруды жоспарлап отырмыз,- дейді Мақсат Шәкенов.
Концертті тамашалауға «Шы-ғыс» өңірлік қолбасшылығы мен ҚР Ұлттық Ұланының аға офицерлік құрамы және қала тұрғындары көптеп жиналды.
«СТ»-ақпарат.
