Қазақстан Республикасы тәуелсіздік алған жиырма үш жылдың ішінде рухани дүниесі берік орныққан, экономикасы қар-қынды дамыған, саяси бағдары айқындал-ған, өркениеттік және демократиялық жолмен дамып келе жатқан жасампаз мемлекеттің іргесін қалады.
ҚР Президенті – Ұлт көшбасшысы Нұрсұлтан Әбішұлы Назарбаев «Қазақстан жолы – 2050: Бір мақсат, бір мүдде, бір болашақ» атты Жолдауында біздің алдымызға жаңа міндеттер қойып отыр. Стратегиялық бағдарламада экономикалық әлеуеті кемеліне келіп, өркениет көшіне қосылған Қазақстанның ұзақ мерзімді даму жолдары жан-жақты қарастырылып, негізгі басымдықтар мемлекеттілігімізді одан әрі нығайту, ұлттық экономиканы серпінді дамыту, халықтың әл-ауқатын арттыру, қоғамдағы тұрақтылық пен келісімді қамтамасыз ету сияқты өткір мәселелер айқындалып, бәсекеге қабілетті дамыған 30 елдің қатарына ену бағыты нақты сараланған. Сондай-ақ, Жолдау мақсат еткен басты стратегиялық талаптардың бірі – мемлекеттік қызмет көрсету сапасын арттыру, мемлекеттік басқарудың жаңа типін қалыптастыру.
{jcomments on}Жолдауда мемлекеттік қызметшілерді қолдауға бағытталған шараның бірі – 2015 жылдың 1 шілдесінен мемлекеттік қызметшілердің жалақысын 15%-ға, 2016 жылдан тағы 15 %-ға көбеюі.
Елбасының бұл қамқорлығы мемлекеттік қызметшілерді жұмыс сапасын одан әрі жақсартуға қанаттандырып, жемісті еңбек етуге жетелейді деп сенемін.
Елбасымыздың Жолдауына орай тағы бір айтпағым, қазақ тіліне қатысты мәселе. Бүгінде біздің ана тіліміз ғылым мен білімнің, интернеттің тіліне айналған.
«Енді ешкім өзгерте алмайтын бір ақиқат бар. Ана тіліміз Мәңгілік Елімізбен бірге Мәңгілік Тіл болады. Бұл мәселені даудың тақырыбы емес, ұлттың ұйтқысы ете білгеніміз жөн. Біздің тіліміз мемлекеттің барлық жүйесінде қолданылуы үшін, барлық жерде керек болуы үшін біз өзімізді-өзіміз қамшылауымыз керек» деген Елбасымыздың түйінді сөзі тектен-тек айтылмаса керек. Ендеше біздер, жастар, Жолдауда қойылған талаптарды орындау мақсатында жастық жігерімізбен еңбек етуіміз қажет. Өйткені, Еліміздің ертеңі – жастардың қолында.
Гүлнұр БЕКБАЕВА, Көкпекті ауданы.
