Елбасымыз Нұрсұлтан Әбішұлы Назар-баев Қазақстан халқына арналған дәстүрлі Жолдауын жариялады. Жалпы тәуелсізді-гіне жиырма жылдан астам уақыт болған ел егемендігінің тарихына үңілсек, мемлекетіміздің алуан бағыттағы тыныс — тіршілігінің дамуына бірден — бір ықпал еткен фактор — бұл Елбасымыздың халыққа арнаған Жолдауы екендігіне көз жеткізер едік.
Елбасының «Қазақстан жолы — 2050: бір мақсат, бір мүдде, бір болашақ» атты Жолдауы бойынша Президенттің жалпыұлттық идеясы — болашақ табыстардың негізі екені баса айтылды. Ал ең бастысы — еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясы жарияланды. «Мәңгілік ел» идеясы — елімізді өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.
Елбасы Жолдауында білім саласы қызметкерлерінің алдына үлкен міндеттер қойды. «Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3 — 6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан, оларға заманауи бағдарламалар мен оқыту әдістемелерін, білікті мамандар ұсыну маңызды. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс» деп атап көрсетті.
{jcomments on}Осыған орай, «Қаратұма орта мектебі және балабақша» КММ-сінің ұжымы арасында Елбасының Қазақстан халқына арнаған Жолдауы талданып, үлкен ыждахаттылықпен қабылданды. Сол мақсатта үлкен жа-уапкершілік жүктеліп отырған мұғалімдерге жаңашылдықпен жұмыс жасап, тынбай еңбектеніп, өз үлестерін қосуға тура келеді.
Тағы бір жайт — тіл мәселесі. Елбасымыз тілді дау-дамайдың төркініне емес, даму мен өркендеудің негізіне, ұлттың ұйытқысына айналдыру — баршамыздың парызымыз екендігін бәрімізге де тағы бір мәрте тиянақты ұғындырды деп ойлаймын. “Мәңгілік Елдің” мәңгілік тіліне айналған тіліміздің мәртебесі арта берері анық.
«Елбасының әр Жолдауы — толғауы терең қайталанбас дүние. Биылғы Жолдау да Президентіміздің өзіндік стиліне сәйкес көптеген ерекшеліктерімен ел есінде қалады» деген сеніммен «Қаратұма орта мектебі және балабақша» КММ-сінің ұжымы да Елбасымыз Нұрсұлтан Әбішұлы Назарбаевтың биылғы «Қазақстан жолы – 2050: Бір мақсат, бір мүдде, бір болашақ» атты Жолдауын Қазақстанның әлемдегі дамыған 30 елдің қатарына енудегі ұлттық стратегияның даму жолдарының, қазақстандықтардың өмір сүру деңгейлерінің және экономикалық сапаның қалыптасуына зор серпін беретін өз уақытының өскелең құжаты деп қабылдайды.
Самал Алқанова, Үржар ауданы, «Қаратұма орта мектебі және балабақша» мекемесінің тәрбиешісі.
