15 наурыз күні Аягөз аудандық мәслихатының кезекті, ХХ сессиясы өтті. Сессия отырысына қатысқан аудан әкімі Бақытжан Байахметов төтенше жағдайдан зардап шеккендерге Аягөз қаласындағы «Казкоммерцбанк» АҚ бөлімшесіндегі «Аягөз Болашақ» қорына 55 млн. теңге жиналғанын мәлімдеді.
Сонымен қатар облыс әкімінің қабылдауында болған «KAZ Minerals» компаниясының төрағасы О.Новачук су апатынан зардап шеккендерге 1 млн. доллар қаражат аударатынын хабарлапты. Сондай-ақ осы «KAZ Minerals» компаниясы Аягөз аудандық орталық ауруханасының инсульттік орталығына 610 млн. теңге және Перинаталдық орталыққа 425 млн. теңгеге заман талабына сай құрал-жабдықтар алуға қаражат бөлетінін хабарлады.
Айта кетейік, Аягөз ауданының әкімі Бақытжан Байахметов, аудандық мәслихат хатшысы Сейілбек Ысқақов та бір айлық еңбекақысын төтенше жағдайдан зардап шеккендерге арналған қорға аударды.
Марат ЖҰМАБАЕВ, «Семей таңы»
