17 желтоқсан күні қала тұрғындары Абай театрында Елбасы жайлы режиссер Ақан Сатаевтың «Көшбасшы жолы. Астана» фильмінің тұсаукесерін тамашалады. Фильмде 1994-1998 жылдар аралығындағы елорданы Алматыдан Ақмола қаласына көшіру оқиғалары қамтылған. Бұл жолы Елбасы рөлін актер Мұрат Ахманов сомдады.
— Фильм сюжеті қызықты. Көптеген жастар үшін елорданың Алматыдан Ақмолаға қалай ауыстырылғаны беймәлім еді. Біз бүгін тарихи маңызды оқиғаның қалай іс жүзіне асырылғанын фильмнен көрдік. Сарыарқа төсіне сәулетті астана салуы Елбасының ерлігі деп білемін. Елбасының көзсіз батырлығы, батылдығы — көпке үлгі. Президент дұрыс шешім қабылдап, елорданы Ақмолаға көшіру арқылы сол тұста тұралап қалған ел экономикасына жаңа леп, жаңа серпін берді, — дейді Р.Байсеитов атындағы Семей қаржы-экономикалық колледжі студенті Гүлнұр Серікова.
Жадыра ТӨЛЕГЕНҚЫЗЫ.{jcomments off}
