Қазақстан Республикасы Тұңғыш Президенті – Елбасының Қоры, Қазақстанның Іскер әйелдер қауымдастығы және «Хабар» Агенттігінің бірлескен «Қайырымдылық керуені» республикалық байқауы жалғасуда. Ақпараттық қолдаушы – «КТК» телеарнасы. Жобаның мақсаты – қайырымдылық идеяларын дәріптеу, белсенді азаматтық бастамаларды дамыту.
17 қаңтар, бейсенбі күні «Нұр Отан» партиясы филиалы ғимаратынд{jcomments off}а Қазақстан Республикасы Тұңғыш Президенті – Елбасының Қоры, Қазақстанның Іскер әйелдер қауымдастығы, қалалық әйелдер істері және отбасылық демографиялық саясат комиссиясы өкілдерінің қатысуымен баспасөз мәслихаты өтті.
«Қайырымдылық керуені» байқауы ел көлемінде 2018 жылдың қараша айынан басталғанын еске салған «Семей қаласы іскер әйелдері қауымдастығы» қоғамдық бірлестігі төрайымы Айнұр Арғынбекова жобаға әлеуметтік, қоғамдық проблемаларды шешуге және өздерінің жомарттығымен басқаларды мейірімділікке ынталандыруға үлес қосып жүрген жеке және заңды тұлғалардың қатыса алатынын атап өтті.
— 2018 жылғы қарашадан бастап 2019 жылғы ақпанға дейінгі кезеңде еліміздің барлық өңірінде конкурсанттарды іріктеу жұмысы жүргізіледі. Конкурс жеңімпаздарының есімдері ақпанның соңында – Алғыс айту күні мерекесінің қарсаңында белгілі болады,-деді Айнұр Арғынбекова.
Естеріңізге сала кетейік, лауреаттар бес номинация бойынша анықталады:
— «Асар» (халықтың салт-дәстүрімен байланысты қайырымдылық қызмет көрсететін адамдарға қолдау көрсетуге бағытталған);
— «Туған жер» (білім беру, экология және көріктендіру саласында туған өлкеге көмек көрсететін адамдарға беріледі);
— «Мейірім жолында» (ерікті негізде және тегін көмек көрсететін, игі істер атқаратын адамдар ие болады);
— «Батыл жүрек» (ерлік іс жасаған, жанкештілік танытқан адамға қолдау көрсету мақсатында тағайындалады);
— «Қайырымдылық тарихы» (БАҚ-та қайырымдылық тақырыбын қозғайтын, қоғамның назарын әлеуметтік проблемаларға аудартатын материалдардың жариялануын қамтамасыз ететін журналистерге немесе шығармашылық ұжымға беріледі).
Конкурсқа кәсіпкерлік субъектілері және қайырымдылық қызметті мемлекеттік қолдау арқылы жүргізетін тұлғалар (мемлекеттік грант, мемлекеттік тапсырыс және т.б.) қатыстырылмайды.
Байқауға қатысуға өтінім беру үшін төмендегі телефон нөмірлері бойынша хабарласа аласыздар:
52-29-15; Арғынбекова Айнұр Серікпайқызы – «Семей қаласы іскер әйелдері қауымдастығы» қоғамдық бірлестігі төрайымы.
36-01-94; Самат Айбек Төлегенұлы – Семей қаласы әкімдігінің ішкі саясат бөлімі басшысының орынбасары.
53-20-16; Нүсіпбаева Сайра Қажыоспанқызы –«Semey» телеарнасының бас редакторы.
«СТ-ақпарат»
