Семейде кеңес беру алаңы өз жұмысын бастады. Тұрғындарды алғашқы қабылдау осы дүйсенбі күні №47 орта мектеп ғимаратында өтті. Бір күнде Шығыс кентінің 70-ке жуық тұрғыны өз сұрағына жауап алды. Осы уақытқа дейін 150-ден аса адамға кеңес берілді.
Негізінен, бізге көпбалалы аналар мен зейнеткерлер әлеуметтік төлемдерді қалай рәсімдеу керектігін және бұл үшін қандай құжаттар қажет екендігін сұрайды,- деп түсіндірді әлеуметтік қорғау бөлімінің мамандары.
Кеңес беру алаңдарына қалалық әкімдік бөлімдерінің басшылары мен мамандары қатысады. Тұрғындар өздерін толғандырған мәселелер бойынша кеңес алып, пікірлері мен өтініштерін жазбаша түрде қалдыра алады.
Кеңес беру алаңдары келесі мекенжайлар бойынша жұмыс істейтін болады:
19 ақпан — №44 ОМ / Бобровка к./
20 ақпан – №18 ОМ /Мирный к., Затон/
21 ақпан – № 21 ОМ /Жоламан к./{jcomments off}
22 ақпан — № 27 ОМ/Жаңақұрылыс
25 ақпан – № 49 ОМ /Ұшақтар к./
26 ақпан — №38 ОМ /Дальняя/
27 ақпан — № 15 ОМ /Красный кордон/
28 ақпан — қалалық әкімшілік / сол жақ қанат/
«СТ-ақпарат»
