ШҚО су электр станциялары көктемгі табиғатты қорғауға бағытталған су жіберу жұмыстарына дайындық жүргізіп жатыр. Осыған байланысты Шүлбі су электр станциясында қала әкімінің төрағалығымен жұмыс тобының отырысы өтті. Кездесу барысында мамандар СЭС штаттық режімде жұмыс істеп тұрғанын жеткізді.
— Су жіберу ережелер мен нормаларға сәйкес жүргізіліп жатыр,- деп атап өтті қала әкімі. Бүгінде су ағыны мұзды өздігімен бұзуда. Ірі мұз кесектерінің аздығы кептелістерді болдырмайды. Бірақ, бұған қарамастан, біз кез келген жағдайға дайынбыз.
Кездесуге қатысушылардың мәлімдеуінше, мұз қатқан жоқ. Қазір мамандар мұздың қалыңдығы мен құрылымын талдауда. Су деңгейі 250 – 450 см. Ертіс өзенінің мониторингі күн сайын жүргізіледі.
— Бізге апта сайын Қазгидрометтен ақпарат келіп түседі,- деп түсіндірді «Ертіс бассейндік инспекциясы» РММ басшысы Қазымбек Баймағамбетов. – Жағдай бақылауда. Бүгінгі күні су басу қаупі жоқ. Әрине, мұз жүру кезінде кептеліс пайда болуы мүмкін проблемалық учаскелер бар. Мысалы, Семияр ауылының ауданы. Қауіпті жағдай наурыз айының соңында немесе сәуірдің бас кезінде орын алуы ықтимал. Егер, қажет болса, ТЖД жарылыс жұмыстарын жүргізу жөнінде шешім шығаратын болады.
Мамандар көктемгі табиғатты қорғауға бағытталған су жіберу кезінде облыстағы су станция- ларына ауыр жүк түсетінін айтты. Су электр станцияларында жөндеу жұмыстары аяқталып, барлық жабдықтары дайын болуы керек. Атап айтқанда, Шүлбі СЭС гидроагрегаттары күрделі жөндеу жұмыстарынан өтті. Екі су станциясы (Шүлбі және Өскемен) бөгеттің қауіпсіздігі туралы декларацияға ие, бұл нысандардың сенімді пайдалану жағдайында екенін білдіреді.
Айта кетейік, наурыздың үшінші онкүндігінде комиссия отырысы өтіп, су жіберуге дайындық актісіне қол қойылады.{jcomments off}
Семей Ақпараттық орталығы
