Өткен жексенбіде қала әкімінің басшылығымен қоқысты шығару және санитарлық тазалық жұмыстарына байланысты рейд өтті. Е.Сәлімов және бөлім басшылары коммуналдық мекеме қызметкерлерімен бірге қаланы аралап шықты.
— Қалада екі жалпықалалық сенбілік өтті, — деді Ермак Бидахметұлы. — Тазалық жұмыстары жүргізіліп жатыр. Жеке бизнес өкілдеріне ескертулер бар. Өздеріне тиесілі аумақты тазаламаған азаматтармен полиция жұмыс жасайтын болады.
Қалада және одан тыс жерлерде шағын бейберекет қоқыс орындары бар. Әкімнің пікірінше, олардың пайда болуына қала тұрғындарының кінәсі бар. Жекеменшік сектордың тұрғындары қоқысты шығару бойынша келісімшарт жасамай, қатты-тұрмыстық қалдықтарды тікелей көшеге шығарған фактілер тіркелген.
— Біз рейд кезінде қоқысты таза алаңға қалдырып кеткен жүргізушіні көрдік,- деді Е.Сәлімов. – Мұндай тәртіп бұзушыларға Әкімшілік кодексі аясында айыппұл салатын боламыз.
Е.Сәлімов қала тұрғындарына тазалық бұзушыларды суретке түсіріп, әлеуметтік желі арқылы тиісті органдарға хабарлауды ұсынды.
Айта кетейік, Семейде тазалық айлары жарияланған болатын. Екі сенбілікте 10 мың текше метр қоқыс жиналып шығарылды. Осындай рейдтер әрбір жалпықалалық сенбіліктен кейін өткізіліп отырады.
Семей қаласының Ақпараттық орталығы.{jcomments off}