ҚР Тұңғыш Президенті Нұрсұлтан Назарбаевтың «Болашаққа бағдар: рухани жаңғыру» мақаласына орай қазақ әліпбиін латын графикасына 2025 жылға дейін кезең-кезеңімен көшіруге байланысты облысымызда бір-қатар жоспарлы шаралар жүзеге асырылуда. Соның бір дәлеліндей, жуырда қаламыздағы Достық үйінде «Семей қаласының тілдерді оқыту орталығы» КММ-нің ұйытқы болуымен Қазақ әліпбиін оқыту кабинетінің салтанатты түрдегі ашылу рәсімі болып өтті.
Аталмыш шараға қала-мыздағы бірқатар мекемелер өкілдері, атап айтсақ қалалық әкімдіктің Мәдениет және тілдерді дамыту бөлімінің басшылары мен мамандары, «Шығыс өңірлік қолбасшылығы басқармасы», ҚР ҰҚК Семей қаласындағы басқармасы, 31767, 2098 әскери бөлімдері, төтенше жағдайлар комитеті, ІІМ Оқу орталығы, полиция басқармасы, Жер кадастры және жылжымайтын мүлікті техникалық тексеру департаментінің Семей қалалық бөлімшесі, Семей қаласы соттары, жергілікті медицина саласының қызметкерлері жиналды. Сонымен қатар алғаш рет жаңа әліпбиді үйрену курсына қатысатын мемлекеттік қызметкерлер де келді.
Жаңа әліпбиге көшу ұлттық жаңғырудың жарқын көрінісі екені анық. Еліміздің Тұңғыш Президенті Нұрсұлтан Әбішұлы Назарбаев өз сөзінде: «Латын әліпбиіне көшудің терең логикасы бар. Бұл қазіргі заманғы технологиялық ортаның, ком-муникацияның, сондай-ақ ХХІ ғасырдағы ғылым мен білім беру процесінің ерекшеліктеріне байланысты»,- деген еді. Бұл жайында өз баяндамасында Зәуреш Исабаева кең көлемде тоқталып өтті. Сонымен қатар Зәуреш Рамазанқызы әлем халықтарының 70 пайыздан астамы латын әліпбиін қолданатынын айта келіп, аталмыш бастаманың береріне тоқталып өтті.
— Латын әліпбиі бізге таңсық емес. Бүгінде қазақ баспалары латын әліпбиін қолданып, ақпарат таратып жатқаны қуантарлық жағдай. Алдымызға мақсат етіп қойылған міндеттерді орындауда баршаңыз табыстарға жетіңіздер. Тіл мәртебесін көтеру мақсатында ашылған арнайы кабинеттің жұмысына сәттілік тілеймін,- деді Семей қаласы әкімінің орынбасары Айдар Садырбаев.
Сонымен қатар басқосу барысында тіл жанашыры халықаралық қазақ тілі қоғамының вице-президенті Орал Шәріпбаев та сөз алып, пікірін білдірді.
— Латын әліпбиі кабинетінің ашылуы тарихи оқиға деуге болады. Бұл — елдігіміздің белгісі. Өткен ғасырдың 90-шы жылдарында елге қазақ тілі мұғалімдері аса қажет еді. Ендігі уақытта жаңа әліпбиді меңгерудің маңыздылығы жо-ғары болып тұр, — деді өз сөзінде Орал Тоқтарұлы.
Жиын барысында сонымен қатар латын әліпбиін үйренудің маңыздылығы, аталмыш бағытта атқарылар шаралар жайында да тұшымды мағлұматтар берілді.
Қазіргі күні латын әліпбиіне көшуді түсіндіру жұмыстары қарқынды жүргізілуде. Қыз-меткерлер арасында ұйым-дастырылатын жаппай диктант жазу сынды іс-шаралар да осының айқын көрінісі деп айтуға толық негіз бар.
Әлібек КЕМЕЛХАН, «Семей таңы»{jcomments off}
